PANGARATAION 26:13 - BIBEL JAMITA NA DENGGAN

¹³ dokkon hamu ma tu Tuhan, ‘Sian na saparsampulu pandapotan ni na hukarejohon na patut gabe nampuna ni Tuhan, saotik pe nada adong be tinggal di bagasku; madung hulehen sude di halak Levi, halak sileban dakdanak na so marama, dohot di angka na mabalu songon na diparentahon ni Tuhan tu au. Sada pe nada adong na hulanggar sian parenta ni Tuhan salaho tu parsampuluan i.

PANGARATAION 26:13 ပူးပေါင်းရင်းမြစ်များ

MASMUR 119:139

Marsigorgor do murukku, hara ni na layas roha ni musungku di pangajaranMu.

MASMUR 119:141

menek do au on boti bile, tapi anggo pangajaranMu nada huhalupahon.

MASMUR 119:153

Tatap ma pardangolanku jana palua ma au, angke nada huhalupahon TonaMu.

MASMUR 119:176

Songon biri-biri na mago, lilu do au, tapi nada hupasiding anggo parentaMu. Antong ro ma Ho, jalahi ma au, angke naposoMu do au.

MASMUR 119:93

Matua na so ra do au pasiding parentaMu, angke dohot parentaMi do dipangolu Ho au.

MASMUR 26:6

O Tuhan, hubasu tanganku tanda na so marsala au, jana dohot au mardalan manghaliangi langgatanMu,

PODA 3:1

Ulang ma halupahon sanga aha na dung huajarkon tu ho, ale anakku. Sai paingot-ingot ma na huparentahon,

BAENON NI ANGKA RASUL 24:16

Hara ni i do umbaen na tongtong au marsitutu karejo, anso ias taroktokku maradopkon Debata jana ias muse maradopkon jolma.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

2 KORINTUS 11:31

Debata, i ma Ama ni Tuhanta Jesus Kristus, na tarpuji ro di salolot ni lolotna do na umboto na so margabus au.

PANGARATAION 14:29

I ma panganon baen di halak Levi, angke nada adong antong tano ni halahi, songon i di halak na asing, di na so marama so marina dohot di angka na mabalu na maringanan di angka hutamunu. Tola do halahi ro dohot mambuat sandok na porlu di halahi. Muda dibaen hamu songon i gabe pasupasuon ni Tuhan Debatamunu ma hamu di sude na nikarejohonmunu.”

PANGARATAION 26:12

Ganop di taon patoluhon angkon obanonmunu do haul parsampuluan – saparsampulu sian pandapotanmunu – di Malim Levi, halak sileban, dakdanak na so marama, dohot di angka na mabalu, anso di ganop kota dapotan halahi sandok na porlu di sipanganon. Muda dung dibaen hamu na songon i,

PANGARATAION 26:14

Saotik pe sian haul parsampuluan i nada adong na hupangan di hatiha siluluton; sanga huoban tu ruar ni bagas dompak hodar au, jana saotik pe sian i nada adong na hulehen gabe pelean di halak na mate. Madung huoloi Ho, ale Tuhan; madung hupatulus sude na niparentahonMi taringot tu parsampuluan i.

1 TESSALONIKA 2:10

Hamu do saksinami, songon i dohot Debata, na ias, tigor, jana na so martihas do pangalahonami adop hamu na porsaya.