PANGARATAION 26:12 - BIBEL JAMITA NA DENGGAN

¹² Ganop di taon patoluhon angkon obanonmunu do haul parsampuluan – saparsampulu sian pandapotanmunu – di Malim Levi, halak sileban, dakdanak na so marama, dohot di angka na mabalu, anso di ganop kota dapotan halahi sandok na porlu di sipanganon. Muda dung dibaen hamu na songon i,

PANGARATAION 26:12 ပူးပေါင်းရင်းမြစ်များ

PAMUNGKAAN 47:24

Muda sabion, angkon mangalehen ma hamu tu raja i saparlima ni suhana i. Lobina i ma sipakeonmunu gabe same dohot panganonmunu dohot keluargamunu.”

PAMUNGKAAN 47:26

Jadi dipahot si Josep ma pangalaho i gabe aturan ni Luat Mesir; saparlima sian suha ni karejo angkon gabe raja nampunasa. Lopus saonnari laing mardalan do aturan i. Hum tano ni malim ma i na so raja nampunasa.

PODA 14:21

Sanga ise na palayas halak, mambaen dosa; sanga ise marroha na denggan tu halak na pogos, martua.

HAMALIMON 27:30

Saparsampulu sian sude suha ni tano bagi na gandum, parbatu ni hayu, di Tuhan do i.

BILANGAN 18:24

angka na gabe teanon ni halahi, madung Hulehen di halahi saparsampulu sian sude bagian na dihaulkon ni halak Israel di Au na gabe silehen-lehen na mardohonan. Hara ni i ma dibaen na Hudok tu halak Levi i bahaso na so adong tean-teanan di halahi di Israel.”

PANGARATAION 16:14

Marmoga-moga ma hamu rap dohot angka dakdanakmunu, angka hatobanmunu, halak Levi, halak sileban, dakdanak na so marama dohot angka na mabalu na maringanan di hutamunu.

IBRANI 7:5

Di Tona ni ugamo Jahudi ditontuhon do, ganop halak Israel angkon manggarar do saparsampulu ni sude sinadonganna tu pomparan ni si Levi na gabe angka malim – astuanna laing tu kahanggi ni halahi sandiri do. Hape pomparan ni si Abraham muse do halak Israel.

IBRANI 7:9

Jadi tardok muse do, si Levi sandiri pe – di na dohot pomparannia manjagit panggararan ni na saparsampulu bagian i sian halak Israel dohot do manggarar sisaparsampulu bagian i tu si Melkisedek markite-hite si Abraham, di na manggarari si Abraham tu si Melkisedek.