PANGARATAION 26:10 - BIBEL JAMITA NA DENGGAN

¹⁰ Jadi hara ni i, saonnari huhaulkon ma tu Tuhan patumonaan ni pandapotanku na nilehenNia tu au.’ Dung i baen ma ampang i disi di adopan ni Tuhan, jana marsomba ma ho tuSia.

PANGARATAION 26:10 ပူးပေါင်းရင်းမြစ်များ

1 JUJUR TAON 29:14

Anggo satutuna nian, nada adong tarlehen au dohot rayatkon sanga na aha tu Ho, angke na nilehenMu do sasudena jana sanga aha pe na hami pasahat on, laing Ho do nampunasa.

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

MASMUR 22:29

Sude halak na jungkat marsomba ma tuSia, sandok bangso ni jolma mangunduk ma tuSia.

MASMUR 86:9

Ale Tuhan, giot marroan sandok bangso na nijadihonMu, laho marsomba Ho jana mamuji hagodanganMu.

MASMUR 95:6

Beta ma hita tungkap, jana marsinggang ma hita tu jolo ni Tuhan na manompa hita.

HARURUAR 22:29

Haulkon ma tu Au deba sian suha ni ememu, sian aek ni anggurmu, sian miak ni zetunmu muda mandapot hasil hamu. Pasahat ma tu Au angka dakdanakmunu siangkaan.

HARURUAR 23:19

Ganop taon angkon obanonmunu do tu Bagas Ni Tuhan Debatamunu eme patumonaan ni suha ni sabamunu. Ulang lompa hamu anak ni biri-biri sanga hambeng di bagasan susu ni indukna.”

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

PODA 3:9

Pasangap ma Tuhan marhite na manghaulkon na dumenggan sian suha ni tanomu tuSia,

JESAYA 66:23

Ganop Bulan Na Imbaru, ganop Ari Sabat, marroan ma angka jolma sian ganop bangso mardongan sangap, laho manyomba Au di Jerusalem on.

SURAT NI SI PAULUS TU PARLAGUTAN ROM 2:1

Hara ni i, ale jolma na manguhumi, nada adong sidalianmu; muda diuhumi ho na asing, dirimu do diuhumi ho; angke taran manguhumi ho, laing dikarejohon ho do songon i.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

PANGARATAION 18:4

Patumonaan ni suha ni gandum, anggur, miak zetun dohot imbulu ni biri-biri, laing di halahi ma i.

PANGARATAION 26:17

Di ari sadari on, madung dioku hamu Tuhan do Debatamunu. Madung dijanjihon hamu laho mangoloi tuSia dohot patuluskon sude aturan dohot parentaNia.

PANGARATAION 26:2

angkon ganop be do hamu paindingkon patumonaan ni suha na dapot hamu tu bagasan sada ampang, lalu oban hamu ma i tu inganan paribadatan na sada i na dung ditontuhon humani.

PANGARATAION 26:4

Dung i jagiton ni malim i ma ampang i sian tanganmunu jana baenonna ma i tu jolo ni langgatan ni Tuhan Debatamunu.

PANGARATAION 8:18

Ingot hamu ma! Tuhan Debatamunu i do na mambaen mamora hamu. Patunda ni na laing setia do Ia lalu tu sadari on tu janji na nibaenNia dohot ompumunu umbaen na dipatupa Ia na songon i.

HALUMBAAN 22:9

hape ning ia ma tu au, “Ulang! Ulang ho marsomba tu au! Debata ma somba! Angke laing naposo muse do au sarupa dohot ho, dohot songon angka donganmu panurirang dohot sudena halak na marmomos angka hata na di bagasan buku on!”