PANGARATAION 25:19 - BIBEL JAMITA NA DENGGAN

¹⁹ Jadi hara ni i, muda dung dilehen Tuhan Debatamunu tano i tu hamu, jana dung aman hamu sian sasude musu na maringanan humaliang hamu, angkon bunuonmunu do sude halak Amalek i lopus nada ingoton ni sanga ise be halahi. Ulang hamu lupa disi!”

PANGARATAION 25:19 ပူးပေါင်းရင်းမြစ်များ

1 JUJUR TAON 4:43

Dibunu halahi ma halak Amalek na tinggal i lalu hot ma halahi maringanan disi lopus tu sadari on.

ESTER 3:1

Dung piga-piga taon diangkat Raja Ahasweros ma sada halak na margoar si Haman gabe perdana menteri. Anak ni si Hamedata na sian pomparan ni si Agag do si Haman.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

HARURUAR 17:14

Dung i didok Tuhan ma tu si Musa, “Suratkon ma taringot tu hamonangan on, anso sai tongtong dipaingot-ingot. Dok tu si Josua, na giot lantuhanKu do sude halak Amalek on.”

HARURUAR 17:16

Didok si Musa ma, “Tiop hamu ma mandera ni Tuhan, timbo-timbo! Marporang do Tuhan mangalo halak Amalek ro di salolot-lolotna!”

HARURUAR 33:14

Jadi didok Ia ma, “Sai dongananKu do hamu jana lehenonKu hamonangan di hamu.”

PANGARATAION 12:9

dibaen nada masuk dope hamu tu tano na giot silehenon ni Tuhan Debatamunu tu hamu, i ma ingananmunu, disi ma tarbaen hamu mangolu di bagasan sonang.

PANGARATAION 21:23

nada tola padiaron bangke i disi saborngin i, tapi angkon di na sadari i do i kuburkonon, angke mangalap uhum ni Debata do bangke na gantung di tiang i. Dikuburkon ma bangke i anso ulang dipahodar hamu tano na giot silehenon ni Tuhan Debatamunu i di hamu.

PANGARATAION 26:1

“Muda dung dibuat hamu tano na giot silehenon ni Tuhan i tu hamu, jana dung maringanan hamu disi,

PANGARATAION 3:18

Laing huparentahon do di hatiha i tu halahi: ‘Madung dipasahat Tuhan Debatanta i tu hamu tano na di Habincaran ni Batang aek Jordan baen siinganan. Saonnari, pasingkop hamu ma sinjata ni angka tentaramunu jana suru hamu ma halahi manaripari Batang aek Jordan manjoloi angka marga ni Israel na asing i, laho mangurupi halahi mambuat tano i.

PANGARATAION 9:14

Ulang cubo mangambati Au. Giot pusaonKu halahi lopus sahalak pe nada adong be na marningot halahi. Tapi anggo ho baenonKu ma gabe ama ni sada bangso na gumodang jana na gumogo sian halahi.’

JOSUA 11:23

Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.

JOSUA 23:1

Dilehen Tuhan ma hasonangan di halak Israel; nada adong be angka ancaman ni musu mangganggu halahi. Lolot-lolot dung salpu i, si Josua pe madung matobang situtu.

JOSUA 6:3

Angkon marbaris ho dohot paranganmu manghaliangi kota i sanoli sadari di bagasan onom ari.

JOSUA 7:12

On ma dalanna umbaen na so tahan halahi mangadopi musu i. Sumurut pe halahi dibaen musu i harana na dung didabu do uhuman tu halahi sandiri anso dironcohon. Nada dongananKu be hamu anggo so dironcohon dope angka barang na so sibuaton i.

1 SAMUEL 14:48

Na barani do ia marporang jana ditaluhon ia do halak Amalek, lalu dipalua ia Israel sian kuaso ni pangarampas.

1 SAMUEL 27:8

Di hatiha i, na jotjotan do si Daud dohot parangannia mamorangi halak Gesur, halak Girsi dohot halak Amalek na maringanan di luat i. Diroro ia do tu tano ni halahi lalu tu Sur, sapanjang dalan tu Mesir,