PANGARATAION 25:1 - BIBEL JAMITA NA DENGGAN

¹ Adong ma umpamana dua halak Israel na kehe tu pangadilan laho pauruskon sada parsalisian, gabe didok ma na so marsala na sada jana na sada nari i marsala.

PANGARATAION 25:1 ပူးပေါင်းရင်းမြစ်များ

2 SAMUEL 23:3

Madung mangkuling Debata ni Israel; didok pangondian ni Israel do tu au: “Muda sahalak jolma mamarenta rayatna mardongan hatigoran na mamimpin mardongan pangoloion tu Tuhan.

1 RAJA-RAJA 8:32

o, ale Tuhan, tangihon ma sian banua ginjang jana ho ma manimbang parkaro ni angka naposoMon. Tu angka na marsala baen ma uhuman na patut disia jana tu halak na so marsala, sai palua ma.”

HARURUAR 22:9

Ganop adong parsalisian taringot tu parnampunaan, sanga pe i taringot tu lombu, halode, biri-biri, pakean sanga barang-barang aha sajo pe na mago, angkon nioban do dua-dua, halak na mandok dirina nampuna barang-barang i tu inganan paribadatan. Sanga ise na nidok ni Debata parsala, angkon manggarar dua lompit bahatna tu na sada nari i.

PODA 17:15

Dihagigihon Tuhan do na patigorkon halak na so hasaya, jana na pasalahon halak na so marsala.

JESAYA 1:17

marsiajar ma hamu mambaen na denggan. Gogohon hamu ma anso tulus mardalan hatigoran – urupi ma halak na hona hapit; pasahat ma tu na so marama so marina na patut bagianna jana ondihon hamu ma angka na mabalu.”

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 5:20

Marjaya ma halahi na mandokkon hajahatan i denggan jana na denggan i na jahat, na manggonti hagolapan gabe torang jana na torang gabe hagolapan, na manggonti na paet gabe tonggi, jana na tonggi gabe na paet.

JESAYA 5:23

Marjaya ma hakim na patigorhon parjahat hara ni hepeng suap, jana na so patuduhon hasintongan tu halak na tigor.

ANDUNG 3:35

muda mago hakta na nilehen ni Tuhan, ampot hatigoran dihusor marbalihan,

ANDUNG 3:36

diboto Tuhan do i jana diparrohahon.

JEHESKIEL 44:24

Muda adong tarjadi parkaro, angkon pasidungon ni halahi do i hombar tu angka aturan na sian Au. Angkon pagodangon ni halahi do angka pesta ugamo, marguru tu angka aturan dohot angka uhum na sian Au, jana angkon pasangapon ni halahi do Ari Sabat songon ari hapunjungan di Au.

HABAKUK 1:13

Na badia situtu do mataMu, hara ni i nada tarpaida-ida Ho hajahatan jana nada tarligi Ho hakejamon. Biasi sai paligi-ligionMu angka jolma na jahat i, jana sai hohom Ho taran diabisi halak na jahat i angka halak na dumenggan sian ia?

HABAKUK 1:4

I do umbaen nada margogo be uhum jana hatigoran nada unjung dihajongjongkon. Sumurung ma halak na jahat maradopkon halak na burju, jadi gabe diputar-balikkon ma hatigoran.

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”

MATEUS 3:10

Madung singkop kampak laho manaba hayu di uratna i. Sude hayu na so denggan parbatuna, sitabaon ma i, jana niambungkon tu api.

PANGARATAION 17:11

Jagit hamu ma haputusan ni halahi i jana padalan hamu ma angka aturan ni halahi, lopus tu pangalaho na samenek-menekna.

PANGARATAION 24:22

Ulang hamu ra manghalupahon bahaso na jungada hamu gabe hatoban di Mesir; i do dalanna umbaen na hulehen aturan on tu hamu.