PANGARATAION 24:7 - BIBEL JAMITA NA DENGGAN

⁷ Muda adong sada halak na manangko sanga ise dongan sabangsona, lalu dibaen ia gabe hatobanna sanga digadis ia songon hatoban, angkon mate niuhuman do sitangko jolma i. Songon i ma dalanna baenonmunu laho mangagohon hajahatan i sian tonga-tongamunu.

PANGARATAION 24:7 ပူးပေါင်းရင်းမြစ်များ

JOB 24:3

Halode ni na so marama so marina, dilojongkonsa; jana lombu ni ina na mabalu, dirampas baen gadena.

JOB 24:9

Diparhatoban halak na jahat ma dakdanak na so marama so marina, jana dibuatsa ma anak ni halak na pogos baen garar ni utangna.

HARURUAR 21:16

Sanga ise na manangkup halak, anso gadisonna sanga parhatobanonna, angkon mate niuhuman.

JEHESKIEL 27:13

Marboniaga ho di Junani, di Tubal dohot di Mesekh jana gararna dijagit ho ma sian halahi angka hatoban dohot barang-barang na sian tumbaga.

PANGARATAION 13:6

Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,

PANGARATAION 17:7

Angkon saksi-saksi i do parjolo mandanggurkon batu tu halakna i, siihutkonon ni halak na asing. Songon i ma baenonmunu laho mangantak hajahatan i.

PANGARATAION 19:19

angkon daion ni halakna i ma uhuman na patut sihonahonon tu na dipasala i. Songon i ma baenonmunu laho mangantak hajahatan i.

PANGARATAION 24:6

Muda painjamkon sanga aha hamu tu halak, ulang buat hamu batu panggilingan na nipakenia manggiling gandumnia gabe songon jaminan. Muda dibuat hamu batu i, na mangarampas do hamu di parkokas na nipakenia laho paradehon sipanganon anso laing mangolu ia.

1 TIMOTEUS 1:10

tu angka halak na rorang, pandalus-dalus, panyamun, pargabus, tu angka saksi pargabus, dohot tu halak na maralo pangalahona tu ajaran na tutu.

HALUMBAAN 18:13

hulim, parmasak, pulungan ni ubat-ubat, mur dohot hamonyan; anggur dohot miak, topung dohot gandum; lombu dohot biri-biri, kudo dohot kareta, angka hatoban dohot jolma.