PANGARATAION 24:6 - BIBEL JAMITA NA DENGGAN

⁶ Muda painjamkon sanga aha hamu tu halak, ulang buat hamu batu panggilingan na nipakenia manggiling gandumnia gabe songon jaminan. Muda dibuat hamu batu i, na mangarampas do hamu di parkokas na nipakenia laho paradehon sipanganon anso laing mangolu ia.

PANGARATAION 24:6 ပူးပေါင်းရင်းမြစ်များ

PAMUNGKAAN 44:30

“Jadi hara ni sudena i, tuannami,” ning si Juda tu si Josep, “Muda mulak hami tu amanta hami so dohot dakdanak i, anggo amangnami i, mate noma i. Tarihot tu dakdanak i noma hosa ni na tobang-tobang i; boti hara ni tobangnia, patibu mate noma ia baenon ni hamarsahan na hami baen on tusia.

JOB 22:6

Muda so targarar kahanggimu utangna, dirampas ho ma sude pakeanna.

MATEUS 24:41

Adong muse dua dadaboru na manduda. Sahalak dioban, tapi na sada nari ditinggalkon.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

PANGARATAION 20:19

Muda hatiha topet manggogo hamu manaluhon sada kota, ulang tabai hamu angka bona ni suan-suananna, haru pe angkon maradu lolot ari-ari na manghobuk i. Pangan hamu ma batu ni suan-suanan i, tapi ulang segoi hamu bonana i, angke nada dohot musu anggo suan-suanan i.

PANGARATAION 24:5

“Muda adong sada bayo na baru mambuat boru, nada tola i suruon masuk dinas tentara sanga karejo umum na asing. Angkon bebas do ia sian karejo sataon lolotna, anso tarbaen ia tinggal di bagas dohot pajopkon roha ni dadaborunia i.

PANGARATAION 24:7

Muda adong sada halak na manangko sanga ise dongan sabangsona, lalu dibaen ia gabe hatobanna sanga digadis ia songon hatoban, angkon mate niuhuman do sitangko jolma i. Songon i ma dalanna baenonmunu laho mangagohon hajahatan i sian tonga-tongamunu.

HALUMBAAN 18:22

Nada habegean be sian ho sora ni musik ni parhasapi, dohot angka parende, sian parsuling dohot sian pangombus sarune! Sahalak pe nada dapot be halak na malo disi jana sora ni batu panggilingan pe nada adong be habegean.