PANGARATAION 24:5 - BIBEL JAMITA NA DENGGAN

⁵ “Muda adong sada bayo na baru mambuat boru, nada tola i suruon masuk dinas tentara sanga karejo umum na asing. Angkon bebas do ia sian karejo sataon lolotna, anso tarbaen ia tinggal di bagas dohot pajopkon roha ni dadaborunia i.

PANGARATAION 24:5 ပူးပေါင်းရင်းမြစ်များ

PAMUNGKAAN 2:24

Hara ni i ma umbaen na nitadingkon ni halaklahi amangna dohot inangna, jana gabe sada dohot dadaboruna, gabe sada ma halahi na dua.

PODA 5:18

Hara ni i mar jop ni roha ma ho tu dadaborumu tagan di haposoonmu,

PARJAMITA 9:9

Pangkilalahon ma tabo ni ngolu rap dohot dongan saripemu salolot di ngolumu na magopo i, na nilehen ni Debata di ho di tano on. Angke hum i sajo do upa ni halolojamu.

LUKAS 14:20

Na asing muse mandok, ‘On dope au mambuat boru, jadi nada tarbaen au ro.’

1 KORINTUS 7:29

Tapi on do na hudok, hamu ale angka dongan: Otik noma hatiha di hita. Mamungka saonnari, sanga ise na marripe, songon na so marripe ma dibaen ia ngoluna;

PANGARATAION 20:7

Adong do dison sanga na ise na dung martunangan giot mambuat boru? Muda adong do, angkon mulak do ia. Angke muda hona bunu ia di parporangan, gabe halak na asing noma mambuat tunangannia i.’

PANGARATAION 24:6

Muda painjamkon sanga aha hamu tu halak, ulang buat hamu batu panggilingan na nipakenia manggiling gandumnia gabe songon jaminan. Muda dibuat hamu batu i, na mangarampas do hamu di parkokas na nipakenia laho paradehon sipanganon anso laing mangolu ia.