Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




PANGARATAION 24:17 - BIBEL JAMITA NA DENGGAN

17 Ulang rampas hamu hak ni halak sileban dohot dakdanak na so marama, jana ulang buat hamu gabe jaminan pakean ni sada halak na mabalu hara ni na manginjam bagi aha ia.

အခန်းကိုကြည့်ပါ။ ကော်ပီ




PANGARATAION 24:17
39 ပူးပေါင်းရင်းမြစ်များ  

Muda so targarar kahanggimu utangna, dirampas ho ma sude pakeanna.


Halode ni na so marama so marina, dilojongkonsa; jana lombu ni ina na mabalu, dirampas baen gadena.


Sanga ise na pasahat haul sanga tu debata dia pe i asing sian Au Tuhan, angkon mate niuhuman.


Ulang dohot-dohotan hamu di halak na bahat anggo na mambaen na sala do halahi sanga na mandok hasaksian na paegolkon na tigor.


Ulang tabunihon mambaen na tigor tu halak na pogos muda ro ia mangaduhon parkaronia tu pangadilan.


Ulang hapit hamu halak na asing; angke diboto hamu do sanga songon dia partinaonan ni halak na asing, harana hamu pe halak na asing do najolo di Mesir.”


Angke muda lalap minum, lupa ma ia di uhum na tigor, gabe dipaegol ma uhum tu halak na dangol.


Ulang ma longang muda niida parkuaso mamisat halak na pogos, mangarampas hak ni halahi jana nada dilehen hatigoran tu halahi. Diondihon atasanna do ganop pagawe jana halahi na dua diondihon pajabat na umpangkat.


Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.


Nada adong hakmu laho mamisat bangsongKu dohot mamoro halak na pogos. Au Tuhan Debata Na Markuaso madung mandok songon i.”


Tarbaen hamu do martahan disi muda tigor hamu mandok hata jana dibaen hamu na denggan. Ulang pake hamu kuasomunu laho manggabusi halak na pogos, jana ulang jagit hamu hepeng sogok, ulang dohot-dohotan hamu tu halak na mambaen sangkap mamunu jolma sanga mambaen hajahatan na asing.


“Tigor jana jujur ma pambaenanmunu! Palua ma halak na hona incop sian tangan ni halak na mangincopsa. Ulang ma manjahati sanga manyosak hamu tu halak na leban, dakdanak na so marama so marina, sanga na mabalu. Ulang ma bunu hamu halak na so marsala di inganan on, ninna Tuhan.


boti mamokmok be jana maduma. Nada marbolat hajahatan ni halahi. Disoadahon halahi do hak ni na so marama so marina, jana nada diondihon halahi angka halak na hona sosak.


Mangicu dohot manangko do angka halak na kayo. Roha-roha ni halahi sajo do dibaen halahi tu halak na pogos jana mambuat untung do halahi sian halak sileban.


Sahalak pe so adong halak na mangingani ho na pasangapkon simatobangna. Dikicu ho do halak jana dihaut ho untung sian hasusaan ni na mabalu dohot na so marama so marina.


Tu halak na leban na maringanan di luatmu, ulang baen tu halahi na so pade.


Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat.


Ulang pisat hamu angka na mabalu, angka dakdanak na so marama so marina, angka halak na asing na maringanan di tonga-tongamunu, sanga na tu ise pe tehe na di bagasan hasusaan. Jana ulang baen hamu muse sangkap na jahat tu hamu sama hamu.’


“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”


Adong muse do tentara na manyapai, “Bia do taringot tu hami? Aha do sibaenonnami?” Dialusi si Johannes ma, “Ulang jagiti hamu hepeng sanga sian ise pe hara ni na nipaksa bope markite-hite adu-aduan na so tutu tusia. Gajimi ma hangoluhon!”


Ulang teleng baen hamu haputusan; angkon dos do baenonmunu tu ganop halak panimbangna, ulang pola mangaligi sanga ise halakna i. Ulang habiari hamu sanga na ise pe, angke sian Debata do haroroan ni haputusan na nibaenmunu. Muda adong sada parkaro na mamaoltu di hamu, oban hamu ma i tu au. Anso au mamutuskonsa.’


Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.


tapi angkon paulahonmu do i tusia ganop borngin, anso tarpake ia pakean i modom. Jadi gabe mandok tarimakasi ma ia jana lomo ma roha ni Tuhan Debatamu tu hamu.


Ingot hamu ma na jungada do hamu gabe hatoban di Mesir jana na dung dipalua Tuhan Debatamunu do hamu; hara ni i ma da umbaen na hulehen aturan on tu hamu.


Muda painjamkon sanga aha hamu tu halak, ulang buat hamu batu panggilingan na nipakenia manggiling gandumnia gabe songon jaminan. Muda dibuat hamu batu i, na mangarampas do hamu di parkokas na nipakenia laho paradehon sipanganon anso laing mangolu ia.


‘Bura ni Debata ma di halak na mangarampas hak ni halak sileban, dakdanak na so marama so marina dohot na mabalu.’ Dung i sude ma bangso i mandok: ‘I ma tutu!’


Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ