PANGARATAION 24:15 - BIBEL JAMITA NA DENGGAN

¹⁵ Ganop ari painte so lusut mataniari, angkon gararonmunu do gajina na markarejo sadari i, sai arop do rohania anso dapot ia antong hepeng i hara ni porluna i disia. Muda nada digarar hamu upana i, pio-pio ma ia tu Tuhan mangaduhon hamu jana torang ma hamu mardosa dokkononna.

PANGARATAION 24:15 ပူးပေါင်းရင်းမြစ်များ

JOB 31:13

Di na humolos naposongku hara ni na sala hubaen tu haknia, hutangihon do i jana hubaen na patut sian ias ni roha.

JOB 31:38

Sugari tano na hujama i tano na hutangko, jana sian nampunana humani hupogo,

JOB 34:28

Patunda ni halahi gabe holsoan angka na pogos, ditangihon Debata andung-andungna.

JOB 35:9

Angka jolma na hona pisat, mangangguk godang; marsurak ma halahi mangido nitolongan.

JOB 7:2

songon hatoban manghalungunkon pangondianna, songon pangomo na intean di na niomona.

MASMUR 24:4

Halak na ias di roha dohot pambaenan, na so marsumpa na pargabus sanga na manyomba gana-ganaan.

MASMUR 25:1

Tu Ho do, ale Tuhan, hupasahat tangiangku,

MASMUR 86:4

O Tuhan, pajop ma roha ni naposoMu, tu Ho do huadopkon tangiangku.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

JEREMIA 22:13

Marjaya ma halak na pajongjong bagasna marhite hageduhan, jana na pabidangkonsa marhite panipuan. Marjaya ma sanga ise na marsuru halak markarejo hape nada marupa.

HAMALIMON 19:13

Ulang paksa sanga rampas barang ni donganmu. Ulang simpan gaji ni halak na ni gajianmu, haru pe hum saborngin.

HAMALIMON 25:35

Muda adong sada sian halak Israel na dung gabe pogos na rap dohot hamu, jabat nada dapot ia be ngolunia, angkon lehenonmunu disia sabahat ni na tarlehen hamu di halak na niupaan. Muda songon i gabe mangolu ma ia rap dohot hamu.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

MATEUS 20:8

Jadi dung potang ari didok nampuna kobun i ma tu mandurna i. ‘Piohon ma angka na karejo i, garar ma upa ni halahi mamungka sian na parpudi ro lopus tu na parjolo ro.’

MARKUS 10:19

Tontu diboto ho do tona ni Debata na mandok, ‘Ulang ho mamunu, ulang markarosuan, ulang manangko, ulang margabus, ulang paoto-otohon, pasangap ma amangmu dohot inangmu!’ ”

PANGARATAION 15:9

Ulang jua hamu laho mangalehen injamon tusia, marhite alasan na dung donok taon hasesaan ni utang. Ulang paloas hamu pikiran na jahat sisongon i masuk tu bagasan rohamunu. Muda nada ra hamu mangalehen siinjamon i, pio-pio ma halakna i tu Tuhan laho mangaduhon hamu, jadi gabe dosa ma i di hamu.

1 TIMOTEUS 5:18

Harana di Buku Na Badia i tarsurat do, “Ulang ma dihuntam pamangan ni lombu na mardege eme,” sada muse, “Dapotan upa do na loja.”

JAKOBUS 5:4

Nada digarar hamu upa ni angka halak na markarejo di ladangmunu. Saonnari bege hamu ma hoi-hoi ni halahi! Angka halak na palagutkon suha ni ladangmunu, marsurak do halahi mangido tolong jana lalu do angguk ni halahi i tu simanangi ni Debata, Tuhan Na Markuaso i.