PANGARATAION 24:13 - BIBEL JAMITA NA DENGGAN

¹³ tapi angkon paulahonmu do i tusia ganop borngin, anso tarpake ia pakean i modom. Jadi gabe mandok tarimakasi ma ia jana lomo ma roha ni Tuhan Debatamu tu hamu.

PANGARATAION 24:13 ပူးပေါင်းရင်းမြစ်များ

PAMUNGKAAN 15:6

Porsaya do si Abram tu Tuhan, jana dietong ma i disia gabe hatigoran.

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

HARURUAR 22:25

Muda painjamkon hepeng hamu tu halak na pogos sian dongan sabangsomunu, ulang baen hamu songon partunggu ni parsingir na manuntut bunga ni hepeng i.

JESAYA 58:8

Jadi marsinondang ma hatiuranmu songon mataniari bincar, jana angka gasamunu pe manigor malum ma. Hasintongan ma mardalan di jolomunu jana hasangapan ni Tuhan mangihut di pudimunu baen haluaanmunu.

JEHESKIEL 18:12

Giotnia ma mangicu halak na pogos, manangko, mambuat barang jaminan ni halak na marutang tusia. Kehe ia tu angka bagas pamelean ni halak na so mananda Tuhan jana disomba ia gana-ganaan sihagigian.

JEHESKIEL 18:16

sanga manyosak sanga mangarampas sanga na ise pe. Angka barang ni halak na marutang tusia pe sai tongtong do dipaulak ia. Dilehen ia do mangan halak na malean jana halak na so marbaju dilehen ia pakean.

JEHESKIEL 18:7

Nada jungada ia mangicu sanga manangko. Angka barang jaminan ni utang ni halak tusia sai dipaulak ia do. Halak na malean dilehen ia do mangan jana halak na so marpakean, dilehen ia do parabiton.

JEHESKIEL 33:15

umpamana dipaulak ia barang na digadehon ni halak, sanga barang na nitangkonia boti dioloi ia angka uhum na maroban tu hangoluan, gabe nada mate be ia, tapi mangolu noma.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

AMOS 2:8

Di sude inganan paribadatan, marmodoman jolma disi mamake baju na nibuat ni halahi gabe jaminan ni utang ni halak na pogos. Di Bagas Ni Debata, diinum halahi do anggur na nibuat ni halahi sian halak na marutang tu halahi.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

PANGARATAION 24:12

Muda pogos do halakna i, nada tola jabat marborngin pakean i di bagasmu,

PANGARATAION 24:15

Ganop ari painte so lusut mataniari, angkon gararonmunu do gajina na markarejo sadari i, sai arop do rohania anso dapot ia antong hepeng i hara ni porluna i disia. Muda nada digarar hamu upana i, pio-pio ma ia tu Tuhan mangaduhon hamu jana torang ma hamu mardosa dokkononna.

PANGARATAION 6:25

Muda tahaburjuhon do mangoloi sasude na niparentahon ni Debata i tu hita, gabe jop ma rohaNia tu hita.’ ”

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.