PANGARATAION 23:8 - BIBEL JAMITA NA DENGGAN

⁸ Mamungka sian sundut patoluhon dohot sundut na mangihut sian pomparan ni halahi tola do gabe anggota ni bangso ni Tuhan.”

PANGARATAION 23:8 ပူးပေါင်းရင်းမြစ်များ

PAMUNGKAAN 25:25

Songon na rara tompa ni siangkaan i jana songon baju na marimbulu do huling-kulingna i. Hara ni i, digoari ma i si Esau.

PAMUNGKAAN 25:26

Di na sorang anak paduahon i, ditiop ia do togu tambihul ni si Esau. Hara ni i ma da digoari ia si Jakob. Marumur onom pulu taon ma si Ishak di na sorang na dua i.

1 RAJA-RAJA 3:1

Dibaen si Salomo ma raja Mesir gabe donganna, dibuat ia ma boru ni raja Mesir i gabe dongan saripenia. Diboan si Salomo ma boru i tu Kota Ni si Daud, tinggal disi ma ia lopus sidung dipauli bagas ni raja i bope Bagas Ni Debata dohot benteng humaliang Jerusalem.

ESRA 9:1

Dung dipatulus sudena i, ro ma tu au piga-piga halak hatobangon ni bangso Israel. Dipaboa halahi ma tu au na so disirang halahi dirina sian angka bangso na asing, na maringanan di na humaliang i, i ma bangso Amon, Moab, Mesir, Kanaan, Het, Peris, Jebus dohot Amori. Dohot do angka malim mambaen songon i dohot angka halak Levi. Sude do halahi dohot mambaen pangalaho hagigian i na nipambaenan ni angka bangso i.

HARURUAR 22:20

Sanga ise na pasahat haul sanga tu debata dia pe i asing sian Au Tuhan, angkon mate niuhuman.

HAMALIMON 19:34

Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.

OBAJA 1:10

“Jahat do pambaenmu maradopkon angka kahanggimu pomparan ni si Jakob. Jadi hara ni i, roncohonon noma ho, jana ho pe abiskonon noma ro di salolot ni lolotna.

PANGARATAION 10:19

Jadi hamu pe patut do patuduhononmunu holong ni roha tu angka halak na asing i, angke hamu pe najolo halak na asing do di Mesir.

PANGARATAION 23:7

Ulang pabile hamu halak Edom, dibaen kahanggimunu do halahi. Jana ulang muse layas rohamunu mida halak Mesir, dibaen jungada do hamu maringanan di tano ni halahi.

PANGARATAION 23:9

“Muda tinggal di parbandaran hamu di hamamasa ni porang, angkon pasidingonmunu do sandok na mambaen hamu gabe so ias.

1 SAMUEL 30:11

Di pardalanan i marsuo ma parangan ni si Daud i dohot sada dakdanak halaklahi ni Mesir di padang i, lalu dioban halahi tu si Daud. Hapengani ma pola tolu ari dakdanak i na so mangan dohot minum. Jadi dilehen halahi ma ia mangan dohot minum,