PANGARATAION 23:4 - BIBEL JAMITA NA DENGGAN

⁴ Dalanna, i ma hara ni na so ra halahi mangalehen sipanganon dohot siinumon di hamu dompak na mardalan hamu haruar sian Mesir. Diongkosi halahi dope gari ada si Bileam, anak ni si Beor na sian kota Petor na di Mesopotamia laho mamurai hamu.

PANGARATAION 23:4 ပူးပေါင်းရင်းမြစ်များ

1 RAJA-RAJA 18:4

Dompak na nibunu ni si Isebel angka panurirang ni Tuhan, ditolong si Obaja do saratus halak panurirang ni Tuhan, ditabunihon ia halahi di angka liang – lima pulu halak di sada liang – jana dilehen ia panganon dohot inumon ni halahi.)

ESRA 9:1

Dung dipatulus sudena i, ro ma tu au piga-piga halak hatobangon ni bangso Israel. Dipaboa halahi ma tu au na so disirang halahi dirina sian angka bangso na asing, na maringanan di na humaliang i, i ma bangso Amon, Moab, Mesir, Kanaan, Het, Peris, Jebus dohot Amori. Dohot do angka malim mambaen songon i dohot angka halak Levi. Sude do halahi dohot mambaen pangalaho hagigian i na nipambaenan ni angka bangso i.

NEHEMIA 13:2

harana taran na mardalan bangso Israel ruar sian Mesir, nada dilehen bangso na dua i sipanganon dohot aek tu bangso i. Diupai halahi dope si Bileam laho mamurai bangso Israel, tapi dipauba Debata burana i gabe pasupasu.’

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

JEREMIA 49:1

On ma na nidok ni Tuhan taringot tu Amon, “Biasi tano ni Marga Gad dirampas jana diingani angka jolma na mamele Debata Milkom? Adong he ulaning na soada be halak Israel na margogo laho mangondihon luat i?

ANDUNG 1:10

Dirampas angka musuna sude sinadonganna; diida ia halahi masuk tu Bagas Ni Debata, haru pe diorai hian mambaen na songon i di halak na so masuk bangso ni Tuhan i.

JEHESKIEL 44:9

Au Tuhan Debata, pabotohon, ganop halak sileban na so marsunat dohot halak na so marpangoloion tu Au, nada tola masuk tu BagasKi. Laing songon i muse do dohot tu halak sileban na hot maringanan ditonga-tonga ni bangso Israel.”

ZAKARIA 2:8

Harana songon on do hata ni Tuhan Na Markuaso, na dung marsuru au di bagasan hamuliaonNa, taringot tu angka bangso na dung manaban hamu na jolo. Angke sanga ise na manjama hamu, na manjama anak ni matana sandiri do ia disi.

BILANGAN 22:17

Bahat pe hugarari tu ho laho patuluskon aha sajo na hudok. Ro ma ho jolo manolong ahu, burai ma bangso i.”

BILANGAN 23:7

Dung i didok si Bileam ma panurirangonna i songon on, “Sian Aram, sian dolok-dolok di Habincaran an, si Balak, raja ni Moab marpio au mandok, ‘Ro ma ho burai ma si Jakob, jana ro ma ho burai ma Israel!’

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

BAENON NI ANGKA RASUL 9:4

Gabe tungkap ma ia tu tano i jana dibege ia ma sada sora na mandok tusia, “Saulus, Saulus! Biasi diparkanciti ho Au?”

JOSUA 24:9

Dung i ro ma raja ni Moab, i ma si Balak anak ni si Zippor mangalo hamu. Diutus ia ma halak manopot si Bileam anak ni si Beor laho mangido anso diburai si Bileam hamu.

2 PETRUS 2:15

Gabe lilu do halahi hara ni na so ra halahi mangihutkon dalan na tingkos. Dalan na nibolus ni si Bileam anak ni si Beor nahinan, i do diihutkon halahi. Na sai por sajo do roha ni si Bileam mida upa ni pambaenan na jat.

JUDAS 1:11

Marjaya ma halahi! Dalan ni si Kain do na nibolus ni halahi. Anso dapotan upa, gabe didohoti halahi do angka hasalaan songon na nibaen ni si Bileam. Jana mago do halahi hara ni na manggaori songon na nibaen ni si Kora.

1 SAMUEL 25:11

Dia ma tola buaton rotingku dohot aek inumonku dohot juhut na huparade di angka panggustingku laho mangalehen i sudena tu halak na so torang asal usulna!”