PANGARATAION 23:23 - BIBEL JAMITA NA DENGGAN

²³ tapi muda sian na nionjar ni rohamunu do hamu mambaen janji, angkon patulusonmunu do i.

PANGARATAION 23:23 ပူးပေါင်းရင်းမြစ်များ

MASMUR 116:18

Patulusonku ma janjingku tu Tuhan, di jolo ni bangsoNia sudena,

MASMUR 50:14

Haul haluaan ma haulkon tu Au, Debata Na Gumincat patulus ma janjimu tu Au.

PODA 20:25

Taran so manjajihon haul ho tu Tuhan, jumolo tangkas pikiri. Harana bolas do gabe manyosali di pudi.

JEREMIA 44:17

Sude na dung hami janjihon laing patulusonnami do i. Laing hot do hami manghaulkon haul tu Namora di Langit, dohot manduruskon anggur baen pelean disia songon na dung somal masa di angka kota ni Juda dohot di angka dalan na di Jerusalem, dipadalan angka ompunami, angka raja-raja dohot angka pamimpinnami maradu hami sandiri. Anggo di hatiha i tuk do panganonnami, sonang do hami jana nada adong na maol sanga na aha.

HAMALIMON 27:2

deba nari paraturan tu halak Israel, “Muda dilehen sada halak tu Tuhan i panggarar ni niet na mardohonan, tola do gararon ni halahi dohot hepeng, songon on pangalahona.

BILANGAN 30:2

“Muda adong sada halaklahi na marniet mangalehen bagi na aha tu Tuhan sanga mamantangkon sanga aha pe, angkon patuluson ni halahi do sude na nijanjihonna i, nada tola mose ia sian janjinia.

MATEUS 5:33

“Dibege hamu do poda na adong di angka ompunta: ulang porso janjimu. Sanga aha na nijanjihonmu mardongan sumpa tu Debata, angkon patulusonmu do i.

BAENON NI ANGKA RASUL 23:12

Manyogotna i, adong ma halak Jahudi marlagut mambaen kompolotan. Disumpahon halahi ma na so ra halahi mangan sanga minum anggo so jolo dibunu halahi si Paulus.

BAENON NI ANGKA RASUL 23:21

Tapi ulang ma dioloi tuan i pangidoan ni halahi i, angke adong do lobi opat pulu halak na dung martabuni laho mangadang ia di dalan i. Na dung marsumpa do halahi sude na so mangan sanga minum anggo so jolo dibunu halahi si Paulus. Jadi saonnari pe madung rade halahi; na hum paintehon alus sian tuan i sajo noma halahi.”

PANGARATAION 23:22

Nada mardosa hamu muda nada mambaen janji hamu tu Tuhan,

PANGARATAION 23:24

Muda mardalan hamu mamolus di kobun anggur ni halak, tola do papangananmunu batu ni anggurna i sanga sadia giotmunu, tapi nada tola palagutkon tu hadanganmunu.

JOSUA 9:18

Hape nada tarbaen angka halak Israel be mamunu halahi, dibaen madung marsumpa angka pamimpin ni Israel tu halahi mangasahon goar ni Tuhan Debata ni Israel. Mungut-ungut ma sude halak Israel hara ni pangalaho on tu angka pamimpin ni halahi i.

HAKIM-HAKIM 11:35

Disi diida si Jefta, gabe sun ma arsaknia, jadi gabe disibak-sibak ia ma bajunia jana didok ia ma, “Iale baya borungki, ma magopu ate-atengku! Biasi ma he angkon sai ho na mambaen marsak rohangku? Madung husumpahon tu Tuhan jana nada tarbaen au be manarik i mangulahi!”

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”

1 SAMUEL 14:24

Di ari i, anggo halak Israel nada margogo be hara ni malena, angke madung disumpahon si Saul songon on, “Hona bura ma sanga ise na mangankon bagi aha di ari sadari on painte so palalu hosom au tu musungku.” Jadi hara ni i, umpe sahalak na mangan di na sadari i.