PANGARATAION 23:19 - BIBEL JAMITA NA DENGGAN

¹⁹ Muda painjamkon sanga panganon, sanga barang na asing ho tu donganmu sabangso, nada maranak baenonmu painjamkon i.

PANGARATAION 23:19 ပူးပေါင်းရင်းမြစ်များ

MASMUR 15:5

jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.

HARURUAR 22:25

Muda painjamkon hepeng hamu tu halak na pogos sian dongan sabangsomunu, ulang baen hamu songon partunggu ni parsingir na manuntut bunga ni hepeng i.

JESAYA 24:2

Sarupa be do disi bagian ni jolma i sudena – angka malim dohot rayat, hatoban na nitobusan dohot tuanna, panggadis dohot panobusi, parsali dohot parsingir, na kayo dohot na pogos.

JEREMIA 15:10

Na sial ma da au on! Tu aha do umbaen na ditubuhon dainang au? Angkon martongkar jana martangkangi au dohot sandok jolma na adong di luat on. So jungada au painjamkon sanga manginjam, hape haru songon i pe sude jolma mamurai au.

JEHESKIEL 18:13

Painjamkon pe ia angkon marbunga. Mangolu ma he giot ni jolma na songon i? Nada! Dibaen ia do sude parbuatan hagigian i, jana na giot mate do i! Jana parbuatanna sandiri do mambaen hamateannia.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.