Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




PANGARATAION 22:21 - BIBEL JAMITA NA DENGGAN

21 jadi angkon obanon ma anak boru i tu pintu ni bagas ni amangna i. Disi ma dangguran ni halaklahi na di kota i ia dohot batu lopus mate. Na mambaen hahaila do anak boru i di bangsonta hara ni na marcampur ia dompak so marbagas dope, taran di bagas ni amangnia dope ia. Songon i ma dalanna baenonmunu laho mangagohon hajahatan i.

အခန်းကိုကြည့်ပါ။ ကော်ပီ




PANGARATAION 22:21
24 ပူးပေါင်းရင်းမြစ်များ  

Di na mangkobari i halahi, lalu ma angka dakdanak ni si Jakob sian parmahanan. Disi dibege halahi na masa i, tarsonggot ma halahi jana muruk sajo. Harana gabe marlayas ma sude angka halak Israel hara ni parbuatan na so ture tu boru ni si Jakob i.


Dung adong hira-hira tolu bulan, dipaboa halak ma barita on tu si Juda, “Ma gabe boru jalang parumaenmu, jana ma denggan pamatangna.” Jadi diparentahon si Juda ma, “Oban ma ibana tuson jana tutung lopus mate!”


Ulang patoruk sangap ni angka dadaboru mambaen halahi gabe siboru jalang di angka inganan parsombaan ni debata sileban. Muda dibaen hamu songon i, gabe sombaonmunu ma angka debata sileban i, gabe bahat ma karejo na so tupa di luatmu.


mandok hata on tu bangso Israel, “Sanga ise sian tonga-tongamunu, sanga halak na leban na tinggal rap dohot hamu, mangalehen anakna gabe pangoloi di Debata Molok, angkon dangguran ni halak na bahat do i dohot batu lopus mate.


Muda gabe siboru jalang do dadaboru ni sada malim, na palayas amangna do i, angkon mate tutungon do halakna i.


jana mate uhumon. Sanga ise, halak Israel pe sanga halak na leban na tinggal rap dohot Israel, muda diburai ia Tuhan, angkon dangguran ni halak na bahat i ma ia dohot batu lopus mate.


Dung didok si Musa songon i tu halak Israel, dioban halahi ma halak na mamurai Debata tu balian ni parbandaran lalu didangguri halahi dohot batu lopus mate. Songon i ma dibaen halak Israel patuluskon na dung didok Tuhan i tu si Musa.


Angkon nidangguran do parsala i dohot batu lopus mate! Na giot padaoonnia ma hamu antong sian Tuhan Debatamunu na paluahon bangso on sian parhatobanan na di Mesir.


Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,


angkon toguon do parjahat i tu balian ni kota jana nidangguran dohot batu lopus mate.


Angkon saksi-saksi i do parjolo mandanggurkon batu tu halakna i, siihutkonon ni halak na asing. Songon i ma baenonmunu laho mangantak hajahatan i.


angkon daion ni halakna i ma uhuman na patut sihonahonon tu na dipasala i. Songon i ma baenonmunu laho mangantak hajahatan i.


Jadi angkon dangguran ni halaklahi na sakota i ma dakdanak i dohot batu lopus mate. Jadi songon i ma dalanna baenonmunu mangagohon hajahatan i. Begeon ni sandok jolma na di Israel ma na masa i, jana gabe mabiar be ma.”


Muda tardapot sada halaklahi hatiha marcampur dohot dadaboru ni halak na asing angkon mate niuhuman do i dua-dua. Songon i ma dalanna baenonmunu mangagohon hajahatan i.


Muda di pangalaho na songon on, angkon obanonmunu do halahi tu balian ni kota, jana nidangguran ma halahi dohot batu lopus mate. Angkon dibunu do bujing-bujing i dibaen nada mangangguhi ia mangido tolong, haru pe di bagasan kota do ia, tarbege hian do nian sorania. Jana angkon bunuon do bayona i hara ni na marcampur ia dohot sada bujing-bujing na dung martunangan. Songon i ma baenonmunu mangagohon hajahatan i.


Haruar ma na tobang-tobang i jana didok ia ma tu halahi, “Ulang ale dongan. Pangidoanku, ulang baen hamu pangalaho na jahat dohot na so patut songon i, harana tamungku do da i.


Saparsampulu ma sian halak Israel na giot mangkobasi panganon di halak na marporang i. Na deba nari i ma kehe mamorangi Gibea laho manguhumi halahi hara ni hajahatan na nibaen ni halahi i di tonga-tonga ni halak Israel.”


Dung i marroan ma angka halak Gibea borngin i laho manjalahi au. Dihobuk halahi ma bagas inganan parbornginanki, maksudna laho mamatehon au, tapi dung i dipaksa halahi ma marcampur dohot radingki lopus mate.


Jadi gabe hubuat ma bangkena i lalu huponggol-ponggol, dung i hutongos ma i tu marga ni Israel na dua bolas i samponggol be. Hubaen pe songon i hara ni angka halak Gibea i do na mambaen na jahat jana sihailahononkon di tonga-tonga ni halak Israel.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ