PANGARATAION 21:5 - BIBEL JAMITA NA DENGGAN

⁵ Angkon kehe muse do tu inganan i angka Malim Levi, angke halahi do antong na angkon mangalehen haputusan di bagasan sasude parkaro ni na pajolo gogo. Na dung dipili ni Tuhan Debatamunu do halahi laho mangoloi tuSia dohot mandok hata pasupasu mangasahon goarNia.

PANGARATAION 21:5 ပူးပေါင်းရင်းမြစ်များ

1 JUJUR TAON 23:13

Si Amram ma amang ni si Harun dohot si Musa. (Anggo si Harun dohot pomparannia sapanjangna noma dibaen markarejo hum mangurus angka panjamaan na nipake maribadat, manutung hamonyan di Tuhan, mangoloi Tuhan dohot mamasumasu rayat mangasahon goar ni Tuhan.

2 JUJUR TAON 19:10

Muda adong sian angka donganmunu na pasahatkon tu hamu sian kota na asing sada parkaro na mamunu jolma, na mangalanggar uhum sanga na mangalanggar parenta ni Tuhan, ulang so lehenonmunu panogu-noguon tu halahi. Jadi muda songon i do, nada marsala be halahi tu Tuhan, jana nada muruk be Tuhan tu hamu bope tu halahi. Patulus hamu ma parenta on, jadi nada marsala be hamu disi.

JEHESKIEL 42:13

Didok bayo i ma tu au, “Na badia do bangunan na dua i. Disi ma angka malim bolas mangadop tu haroroan ni Tuhan, mangankon angka haul na sun badia. Angkon disi muse ma payakkonon ni halahi angka haul na sun badia i, i ma: Haul gandum dohot haul panyesa ni dosa sanga haul panobus ni hasalaan.

JEHESKIEL 44:24

Muda adong tarjadi parkaro, angkon pasidungon ni halahi do i hombar tu angka aturan na sian Au. Angkon pagodangon ni halahi do angka pesta ugamo, marguru tu angka aturan dohot angka uhum na sian Au, jana angkon pasangapon ni halahi do Ari Sabat songon ari hapunjungan di Au.

HAMALIMON 9:22

Dung sidung sude haul i dipasahat, dipahirbang si Harun ma tangannia tu ginjang ni halak na bahat i mamasu-masu halahi, dung i mijur ma ia.

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

PANGARATAION 10:8

Di dolok i dibaen Tuhan ma Marga Levi marhapunjungan mangurus Poti Parjanjian i dohot mangoloi Tuhan gabe angka malim dohot mandok hata pasupasu mangasahon goarNia. I ma karejo ni halahi lopus saonnari.

PANGARATAION 18:5

Sian sasude marga ni Israel na dung dipili ni Tuhan do Marga Levi laho mangoloi gabe parhobas ni Tuhan salolot-lolotna.

PANGARATAION 19:17

angkon kehe halahi na dua tu inganan paribadatan na dung ditontuhon Tuhan anso ditimbang angka malim dohot panguhum na topet markarejo di hatiha i.

PANGARATAION 21:4

Angkon obanon ni halahi ma lombu i tu sada inganan di lambung ni batang aek na so jungada mahiang jana na so jungada dope tanona i diombak sanga disuani. Angkon ponggolkonon ni halahi ma disi rungkung ni lombu i.