Hubege do halak Israel mangkuling di bagasan arsak godang, ‘Ale Tuhan, tudos do hami tu lombu riar na so dipajinak hape diajar Ho do hami anso patu, saonnari madung rade hami mulak tu adopanMu. Antong, oban ma hami mangulahi, ale Tuhan, Debatanami.
Di dolok i dibaen Tuhan ma Marga Levi marhapunjungan mangurus Poti Parjanjian i dohot mangoloi Tuhan gabe angka malim dohot mandok hata pasupasu mangasahon goarNia. I ma karejo ni halahi lopus saonnari.
Angkon obanon ni halahi ma lombu i tu sada inganan di lambung ni batang aek na so jungada mahiang jana na so jungada dope tanona i diombak sanga disuani. Angkon ponggolkonon ni halahi ma disi rungkung ni lombu i.
Antong, pasingkop hamu ma sada padati na imbaru dohot dua lombu na pasusuhon, jana na so unjung dope hona hudahuda. Pasang hamu ma lombu na dua i di padati i jana iring hamu ma anak ni lombu i mulak tu barana.