PANGARATAION 21:17 - BIBEL JAMITA NA DENGGAN

¹⁷ Angkon lehenonnia do dua bagian sian sude artana di anakna na parjolo sorang i, haru pe nada anak na nitubuhon ni dadaboru hasudungan ni rohana. Angkon okuon ni amana do hak ni anak na parjolo sorang, jana angkon lehenon do di anak i teanon na patut disia mangihutkon aturan.”

PANGARATAION 21:17 ပူးပေါင်းရင်းမြစ်များ

PAMUNGKAAN 49:3

Si Ruben, anakku siangkaan, ho do di au hagogoan. Parbatu na parjolo tanda na halaklahi au, ho do na tumongam jana na gumogo sian angka dakdanakku.

2 RAJA-RAJA 2:9

Dung di bariba, disapai si Elia ma tu si Elisa, “Aha do giotmu baenonku tu ho painte so dibuat Tuhan au, maninggalkon ho?” Dialusi si Elisa ma, “Pateankon ma Amang tu au kuaso ni Amang i, anso gabe au panggonti ni Amang.”

2 JUJUR TAON 21:3

Maruli do halahi bahat sere, perak, dohot angka barang sigodang arga sian amang ni halahi, jana dilehen muse do di halahi sada be kota na marbenteng di Juda. Tapi dibaen si Joram do anak siangkaan, ia ma na ditontuhon si Josafat na gabe raja.

MASMUR 105:36

Dung i dibunu Ia sude anak siangkaan ni Mesir, gabe marobur ma angka anak ni bangso na diarop roha.

LUKAS 15:12

Didok sianggian i ma tu amangna, ‘Lehen ma tu au saonnari da amang bagianku sian artanta i.’ Gabe dibagi amangna i ma arta i tu anakna na dua i.

PANGARATAION 21:16

Muda giot putuskonon ni bayo i ma giot mambagi sinadongannia di angka dakdanaknia i, na so tola do ia mamihak tu anak na sian ripe hasudungan ni rohania i, marhite na mangalehen tu dakdanak i bagian na patut gabe hak ni anak na parjolo sorang.

HALUMBAAN 3:14

“Tu surusuruan ni parlagutan na di Laodikea songon on ma surat on! On ma barita sian si Amen, Saksi na setia jana na bonar i, mula ni sude na nitompa ni Debata.