PANGARATAION 21:16 - BIBEL JAMITA NA DENGGAN

¹⁶ Muda giot putuskonon ni bayo i ma giot mambagi sinadongannia di angka dakdanaknia i, na so tola do ia mamihak tu anak na sian ripe hasudungan ni rohania i, marhite na mangalehen tu dakdanak i bagian na patut gabe hak ni anak na parjolo sorang.

PANGARATAION 21:16 ပူးပေါင်းရင်းမြစ်များ

PAMUNGKAAN 25:31

Dialusi si Jakob ma, “Ra do au mangalehen di ho, muda ra ho mangalehen hakmu songon anak siangkaan tu au.”

1 JUJUR TAON 26:10

Sian horong ni si Merari ditodo ma si Hosa. Opat halak anaknia: Si Simri (nada anak siangkaan ia, tapi dibaen amangnia i ma ia na gabe pamimpin),

1 JUJUR TAON 5:2

Tapi sian sudena pomparan ni si Jakob Marga Juda ma na gumogo jana angka raja ni bangso Israel pe marasal sian marga i muse do.)

2 JUJUR TAON 21:3

Maruli do halahi bahat sere, perak, dohot angka barang sigodang arga sian amang ni halahi, jana dilehen muse do di halahi sada be kota na marbenteng di Juda. Tapi dibaen si Joram do anak siangkaan, ia ma na ditontuhon si Josafat na gabe raja.

SURAT NI SI PAULUS TU PARLAGUTAN ROM 8:29

Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.

PANGARATAION 21:15

“Umpamana adong ma na mardadaboru dua halak, jana na dua i rap manubuhon anak halaklahi, tapi anak na parjolo sorang nada sian dadaboru hasudungan ni roha ni bayo i.

PANGARATAION 21:17

Angkon lehenonnia do dua bagian sian sude artana di anakna na parjolo sorang i, haru pe nada anak na nitubuhon ni dadaboru hasudungan ni rohana. Angkon okuon ni amana do hak ni anak na parjolo sorang, jana angkon lehenon do di anak i teanon na patut disia mangihutkon aturan.”

PILIPPI 4:8

Ujungna, ale angka dongan, bagi aha na sintong, na pantun, na tigor, na ias, na jeges, na denggan begeon, angka parange na denggan jana sipujion, i ma pikiri hamu.