PANGARATAION 20:8 - BIBEL JAMITA NA DENGGAN

⁸ Angkon dokkonon ni angka komandan muse dope tu angka jolma i songon on, ‘Adong dehe dison na gugup dohot na mabiar? Muda adong do, angkon mulak do ia. Muda nada mulak ia, mambaen sego do i tu semangat ni donganna na asing.’

PANGARATAION 20:8 ပူးပေါင်းရင်းမြစ်များ

HARURUAR 15:15

Angka pamimpin ni Edom gabe manyogar halak Moab na gogo i gabe manyikur, angka halak Kanaan pe marroha heput.

PODA 24:10

Jolma na mandele di bagasan pangalaho na sompit, i ma halak na tutu situtu gale.

BILANGAN 13:31

Tapi ninna angka halak na rap mulak dohot si Kaleb i ma, “Nada, angke nada tuk gogonta mangalo halahi. Gumogo do halak luat i sian hita.”

BILANGAN 32:9

Madung dibolus halahi lalu tu Rura Eskol jana madung diida halahi tano i. Tapi dung mulak halahi, dipabiar-biari halahi ma halak Israel, gabe mabiar masuk tu tano na nilehen ni Tuhan i di halahi.

LUKAS 9:62

Tapi didok Jesus ma: “Halak na mangaluku, tapi huhut mangaligi tu pudi nada patut ia tu Harajaan Ni Debata.”

1 KORINTUS 15:33

Ulang jabat tarpaoto-oto hamu! Muda dipardongan hamu halak na jahat, gabe jahat muse do parangemunu na denggan i.

PANGARATAION 1:28

Jadi, aha ma he gunanta tusi? Mabiar hita. Sian angka halak na tasuru tusi paboahon tu hita, gumogo jana tumogos-togos do bangso i ulang hita, jana sasalangit gincat ni tembok ni kota na niinganan ni halahi. Madung diida halahi raksasa disi!’

PANGARATAION 20:9

Dung sidung angka komandan mandok hata tu tentara i, angkon pilion do angka pamimpin di ganop rombongan.

PANGARATAION 23:9

“Muda tinggal di parbandaran hamu di hamamasa ni porang, angkon pasidingonmunu do sandok na mambaen hamu gabe so ias.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

HALUMBAAN 3:16

Tapi na danggol danggol sisilon do hamu; milas dohonon nada, ngali pe nada. I ma dalanna umbaen na giot utahononKu hamu sian pamanganKu.

HAKIM-HAKIM 7:3

Antong, pabotohon ma tu anak buami, ‘Ise na mabiar, angkon tadingkononna do Dolok Gilead on jana mulak tu bagasna.’ ” Gabe mulak ma dua pulu dua ribu halak; hum sampulu ribu noma na tinggal.