PANGARATAION 20:7 - BIBEL JAMITA NA DENGGAN

⁷ Adong do dison sanga na ise na dung martunangan giot mambuat boru? Muda adong do, angkon mulak do ia. Angke muda hona bunu ia di parporangan, gabe halak na asing noma mambuat tunangannia i.’

PANGARATAION 20:7 ပူးပေါင်းရင်းမြစ်များ

MATEUS 1:18

Songon on ma baritana taringot tu hasosorang ni Jesus Kristus. Dompak martunangan dope si Maria dohot si Josep, hape na dung denggan do pamatangnia. I ma sian kuaso ni Tondi Parbadia. Hum na martunangan dope halahi hatiha i, nada marbagas dope.

PANGARATAION 20:6

Adong do dison na baru manyuan kobun anggurna jana na so sanga dope mamutik parbatu ni anggurna i? Muda adong do, angkon mulak do ia. Angke muda hona bunu ia di parporangan, gabe halak na asing noma antong na mandai aek ni anggurnia i.

PANGARATAION 24:5

“Muda adong sada bayo na baru mambuat boru, nada tola i suruon masuk dinas tentara sanga karejo umum na asing. Angkon bebas do ia sian karejo sataon lolotna, anso tarbaen ia tinggal di bagas dohot pajopkon roha ni dadaborunia i.

PANGARATAION 28:30

Muda nada dioloi ho Tuhan Debatamunu i, martunangan ma ho, – tapi halak na asing do mambuat tunanganmunu i. Pajongjong bagas ma ho – hape nada ingananmunu bagas i. Suananmunu ma kobun anggur – hape nada ho mangankon batu ni anggur i.

2 TIMOTEUS 2:4

Muda sada tentara na topet mardinas nada tola baenonna urusanna sandiri, angke por do rohania laho pasonangkon roha ni komandanna i.