PANGARATAION 20:6 - BIBEL JAMITA NA DENGGAN

⁶ Adong do dison na baru manyuan kobun anggurna jana na so sanga dope mamutik parbatu ni anggurna i? Muda adong do, angkon mulak do ia. Angke muda hona bunu ia di parporangan, gabe halak na asing noma antong na mandai aek ni anggurnia i.

PANGARATAION 20:6 ပူးပေါင်းရင်းမြစ်များ

JESAYA 65:22

Nada pajongjongon ni halahi bagi aha, anso halak na asing manginganisa, jana nada suanon ni halahi bagi aha, anso halak na asing mangankon parbatuna. Angke umur ni bangsongKu angkon saginjang ni umur ni hayu, jana angka halak na Hupili angkon mandai suha ni parkarejoan ni tanganna.

JEREMIA 31:5

Mambuka kobun anggur ma hamu di dolok na di Samaria jana putihon ni na manyuan ma batu ni anggurna.

ZEPANYA 1:13

Hona rampas ma sinadongan ni halahi jana roncohonon ma bagas ni halahi. Pajongjongon ni halahi ma bagas, tapi nada ingananna. Karejohonon ni halahi ma kobun anggur tapi nada inumonna anggurna.

1 KORINTUS 9:7

Adong ma he tentara na kehe marporang, angkon laing jalahannia muse balanjonia sandiri? Nada adong halak na manyuan anggur di kobunna hape nada dipangan ia sian suha ni kobunna i! Nada adong parmahan biri-biri na so manginum susu ni pahan-pahananna i!

PANGARATAION 20:5

Dung i angkon dokkonon ni angka komandan do hata on tu angka tentara i, ‘Adong do ulaning sanga na ise dison na baru pajongjong bagas, na so mambaen pesta marmasuk bagas dope? Anggo adong do, angkon mulak do ia. Angke muda hona bunu ia di parporangan, tontu gabe halak na asing noma na mambaen upacara marmasuk bagas i.

PANGARATAION 20:7

Adong do dison sanga na ise na dung martunangan giot mambuat boru? Muda adong do, angkon mulak do ia. Angke muda hona bunu ia di parporangan, gabe halak na asing noma mambuat tunangannia i.’