PANGARATAION 20:14 - BIBEL JAMITA NA DENGGAN

¹⁴ Tola do pakeonmunu sandok bagi na aha nampuna ni angka musumunu i. Na dung dipasahat ni Tuhan Debatamunu do i tu hamu.

PANGARATAION 20:14 ပူးပေါင်းရင်းမြစ်များ

2 JUJUR TAON 20:25

Jadi kehe ma si Josafat rap dohot anak buania i mangarampas barang-barang ni musu i. Dapot halahi ma bahat pahan-pahanan, parlengkapan, pakean dohot angka barang sigodang arga na asing. Dung dipalagut halahi angka barang-barang i tolu ari lolotna, laing bahat dope barang-barang na asing, gabe tarpaksa ditadingkon noma.

MASMUR 68:12

“Ma pola maporus angka raja dohot paranganna, songon darapati halahi kehe habang.” Di bagas, marbagibagi ma angka dadaboru i perak dohot sere na martadingan i. Haru pe bahat na so dohot marporang, bangso ni Debata do hape na monang.

BILANGAN 31:11

Dung dibuat halak Israel sude na nirampas i dohot ma i halak na nitaban dohot pahan-pahanan,

BILANGAN 31:12

dioban halahi ma i tu si Musa dohot tu si Eleasar dohot tu sude halak Israel. Di hatiha i dompak marbandar do halahi di tano na hornop ni Moab donok tu Batang aek Jordan paadop-adop dohot kota Jeriko.

BILANGAN 31:15

Disapai ia halahi, “Biasi dipadiar hamu mangolu sude dadaboru i?

BILANGAN 31:18

Tapi sude dadaboru na laing bujing-bujing dope buat hamu ma i di hamu.

BILANGAN 31:9

Ditaban halak Israel ma dadaboru dohot angka anak ni halak Midian, jana dirampas halahi ma sude pahan-pahanan dohot sude hamoraon ni halahi.

SURAT NI SI PAULUS TU PARLAGUTAN ROM 8:37

Tapi di bagasan sasudena i, na monang situtu do hita markite-hite Ia na dung mangkaholongi hita!

PANGARATAION 2:35

Tapambuati pahan-pahanan ni halahi jana tarampasi angka kota ni halahi.

PANGARATAION 20:15

Angkon songon i ma baenonmunu maradopkon angka kota na dao sian tano na giot siingananmunu i dohot kota na so tarmasuk tu kota ni angka bangso na dison.

JOSUA 11:14

Dibunu sude jolma na maringanan di angka kota i, umpe sada halak dipadiar mangolu. Tapi anggo angka barang-barangna sigodang arga sudena dohot pahan-pahananna dibuat halak Israel do i gabe halahi puna.

JOSUA 22:8

Dung i didok si Josua ma songon on, “Saonnari mulak ma hamu dohot maroban bahat sinadongan, bahat pahan-pahananmunu, bahat perak, sere, tumbaga dohot bosi jana bahat pakean. Antong, silehenonmunu do sanga aha na nirampasanmunu sian angka musumunu i tu angka dongan samargamunu.”

JOSUA 8:2

Angkon songon na nibaenmu tu Jeriko dohot rajana i. Tapi anggo sanoli on tola do pambuatanmunu angka barang-barangna i dohot pahan-pahananna. Marhobas ma hamu mangaroro kota i tompu sian pudi.”