PANGARATAION 2:30 - BIBEL JAMITA NA DENGGAN

³⁰ Hape nada ra Raja Sihon patolahon hita mamolus tanonia i. Madung dipapir Tuhan Debatamunu i rohania jana papuluk-pulukkon, anso tartaluhon hita ia jana tabuat luatnia i. Laing hita do mangingani luat i lopus saonnari.

PANGARATAION 2:30 ပူးပေါင်းရင်းမြစ်များ

1 RAJA-RAJA 12:15

Jadi nada diantureskon raja i anggo pangidoan ni rayat i. Tapi i do na nihagiotan ni Tuhan, hasurirangon ni Panurirang Ahia na sian Silo taringot tu si Jerobeam i, angkon laing tulus.

2 JUJUR TAON 10:15

Jana nada diterge ia pangidoan ni rayat i. Tapi tutu hagiot ni Tuhan Debata do i, harana antong angkon tarjadi do alatan ni Panurirang Ahia na sian Silo i taringot tu si Jerobeam anak ni si Nebat i.

HARURUAR 11:10

Dipatupa si Musa dohot si Harun do sude tanda hahomangan i di jolo ni raja i tapi dipatangkang Debata do roha ni raja i, nada dipaloas ia tinggalkonon ni halak Israel luatnia i.

HARURUAR 4:21

Didok Debata ma tu si Musa, “Madung Hulehen di ho kuaso mambaen angka tanda hahomangan. Jadi dung mulak ho tu Mesir sanoli on, angkon baenonmu do sude tanda hahomangan i di jolo ni raja Mesir i. Tapi mur patangkangonKu do rohana, gabe nada loasonnia kehe bangso i.

HARURUAR 7:14

Dung i didokkon Tuhan ma tu si Musa, “Na jogal do roha ni raja i; laing nada dipaloas ia bangso Israel kehe.

JESAYA 48:4

Huboto do ho sijogal roha, kapala batu, pir songon bosi.

ANDUNG 3:65

Burai jana padiar ma halahi di bagasan pandelean.

BILANGAN 21:23

Tapi nada diloas Raja Sihon boluson ni halak Israel luatna i. Dipalagut ia ma tentarania lalu kehe tu Jahas di halongonan laho mangalo halak Israel disi.

BILANGAN 21:33

Dung i mangeldok ma halak Israel mardalan adop Basan. Ro ma Raja Og sian Basan rap dohot tentarania laho mangaroro halak Israel di kota Edrei.

BILANGAN 21:34

Didok Tuhan ma tu si Musa, “Ulang pola habiari i. Monang do ho baenonKu. Taluhononmu ma ia dohot sude rayat na di luatna i. Baen ma tusia songon na nibaenmu tu Raja Sihon na mangarajai Hesbon.”

PANGARATAION 2:31

Dung i didok Tuhan ma tu au, ‘Ligi da, Raja Sihon dohot luatna i, umpe margeldok Hubaen di jolomu; antong buat jana ingani ma tanona i.’

HAKIM-HAKIM 11:20

Tapi nada dipaloas si Sihon halahi. Dihara ia do sude tentarania lalu mambaen markas di Jahas, dung i diporangi halahi ma Israel.