PANGARATAION 2:25 - BIBEL JAMITA NA DENGGAN

²⁵ Mamungka sadari on baenonKu ma angka bangso sanga na di dia pe mabiar tu hamu. Sandok jolma gabe humitir ma mabiar muda dibegesa didok goarmunu.’ ”

PANGARATAION 2:25 ပူးပေါင်းရင်းမြစ်များ

PAMUNGKAAN 35:5

Di na mardalan si Jakob dohot angka dakdanaknia i, digohi biar ma sude halak kota na humaliang i, gabe nada puluk halahi mangkojar si Jakob.

1 JUJUR TAON 14:17

Gabe tarbonggal ma goar ni si Daud sun ro di dia, jana mabiar ma dibaen Tuhan sandok bangso tu si Daud.

MASMUR 105:38

Mabiar halak Mesir mida halahi, gabe marjop ni roha halak Mesir di na kehe halahi.

HARURUAR 23:27

Gok biar maradopkon Au baenonKu angka bangso na mangalo hamu. PagolaponKu roha ni angka halak na mamorangi hamu; mulak be do angka musumunu marsipalua dirina sian hamu.

JEREMIA 33:9

Gabe hamogaan dohot hagodangan ni rohangKu ma Jerusalem. Sandok bangso na di tano on gabe mabiar jana humitir gabe pasangap Au muda dibege halahi taringot tu sude hadengganan na Hubaen tu halak Jerusalem dohot taringot tu hadameon na Hulehen tu kota i.”

BILANGAN 22:3

Mabiar ma ia dohot sude rayat ni Moab maradopkon halak Israel, dibaen bahat do halahi.

PANGARATAION 11:25

Di sude luat i, baenon ni Tuhan Debatamunu i ma gok biar angka bangso i maradopkon hamu, songon na dung dijanjihonNia, lopus nada adong sahalak pe na mangambati hamu.

PANGARATAION 28:10

Jadi gabe idaon ni bangso na satano on ma na dung dipili Tuhan ho gabe bangsoNia, jana mabiar ma halahi mida ho.

JOSUA 10:2

Tarancam situtu ma pangkilalaan ni halak na maringanan di Jerusalem, angke sarupa do godang ni Gibeon dohot angka kota na marraja; gumodang dope tehe sian Ai, jana angka halakna pe angka parporang na malo-malo do.

JOSUA 9:24

Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.