PANGARATAION 2:23 - BIBEL JAMITA NA DENGGAN

²³ Anggo tano na di topi ni Laut Tonga na dung dibuat ni angka halak na sian pulo Kreta do i. Madung diabisi halahi halak Awi, na mangingani tano i humani, lalu diingani halahi ma luat i lopus tu Selatan marbalok di kota Gasa.)

PANGARATAION 2:23 ပူးပေါင်းရင်းမြစ်များ

PAMUNGKAAN 10:14

Petrusim, Kaslukhim, dohot Kaftorim. Angka i ma ompu ni bangso Pilistin.

PAMUNGKAAN 10:19

jabat do, mangararati batas ni Kanaan mamungka sian Sidon lopus tu sabola Selatan donok tu Gerar, di lambung ni Gasa, dohot tu sabola Habincaran marayak Sodom, Gomora, Admah dohot Zeboim; di lambung ni Lasa.

1 RAJA-RAJA 4:24

Sude tano na di Hasundutan ni Batang aek Efrat sian Tifsah di Efrat lalu tu Hasundutan ni kota Gasa dirajai si Salomo. Sude raja na di Hasundutan ni Efrat tunduk do tusia jana sude harajaan hombar balokna mardame do dohot ia.

2 RAJA-RAJA 18:8

Ditaluhon ia halak Pilistin jana dirampasi ia inganan ni halahi, mamungka sian kota na ummenek lalu tu kota na gumodang, tarmasuk ma disi Gasa dohot luat na humaliang.

1 JUJUR TAON 1:12

Patrusim, Kasluhim dohot Kreta (pomparan ni halahi ma halak Pilistin.)

JEREMIA 47:4

Madung dapot hatihana patimpason bangso Pilistin sudena, lopus nada dapotan pangurupion be Tirus dohot Sidon. AbiskononKu ma sude halak Pilistin sian Kreta. Au Tuhan na mambaensa.

AMOS 9:7

Didok Tuhan ma, “Ale halak Israel, Huparrohahon do halak Etiopia laing songon Huparrohahon hamu. Huoban do halak Pilistin sian Kreta dohot halak Siria sian Kir laing songon parobanKu di hamu sian Mesir.

ZEPANYA 2:4

Harana giot tinggalkonon ni halak ma kota Gasa jana Askelon gabe mamolngit; ayakon ma rayat ni kota Asdod di hatiha tonga ari jana Ekron dipartunggalbalikkon.

ZAKARIA 9:5

Idaon ni halak Askelon ma i dohot Gasa jana gabe mabiar ma halahi. Laing idaon ni Ekron ma i jana mago ma sude arop ni rohana. Agoan raja ma Gasa, jana Askelon gabe maronco nada adong na mangingani.

BAENON NI ANGKA RASUL 17:26

Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.

JOSUA 10:41

Mangararati do parporangan na nipimpin ni si Josua i mamungka sian Kades-Barnea na di Selatan lalu tu Gasa na di lambung ni topi ni laut, masuk ma i dohot sude Luat Gosen torus tu Utara di Gibeon.

JOSUA 11:22

Umpe sahalak sian bangso Anaki i na tinggal di Luat Israel; tapi anggo di Gasa, di Gat dohot di Asdod laing adong dope na tinggal piga-piga halak nari.

JOSUA 13:3

dohot sude Luat Awi sabola Selatan. (Luat na mamungka sian Batang aek Sihor di parbatasan ni Mesir lopus tu parbatasan ni Ekron na di Utara – tano ni halak Kanaan do sudena taretong; jana raja-raja ni Pilistin maringanan di Gasa, Asdod, Askelon, Gat dohot Ekron.)

JOSUA 15:47

Songon i muse Asdod dohot Gasa dohot angka luat maradu angka pagaranna na gumodang lopus tu lambung ni anak ni batang aek na di parbatasan ni Mesir dohot topi ni Laut Tonga.

HAKIM-HAKIM 1:18

Dung i dirampas halak Juda ma Gasa; Askelon; Ekron dohot na humaliangna.