PANGARATAION 2:15 - BIBEL JAMITA NA DENGGAN

¹⁵ Sai torus do dialo Tuhan halahi, lopus tu ujungna hona pusa halahi.

PANGARATAION 2:15 ပူးပေါင်းရင်းမြစ်များ

MASMUR 106:26

Gabe marjanji Ho mardongan sumpa, na mate di padang manyahatang i noma halahi.

MASMUR 32:4

Diuhumi Ho do au ale Tuhan, arian na borngin, merus gogongku songon aek na maruas dibaen las ni ari.

MASMUR 78:33

Hara ni i gabe dipaujung Ia ma ngolu ni halahi, songon sangombus hosa, manigor lintop ma halahi.

JESAYA 66:14

Muda diida hamu na songon i tarjadi, marjop ni roha ma hamu; jana gabe margogo boti matorkis hara ni i. Jadi gabe botoonmunu ma, Au Tuhan, mangurupi sanga ise na burju mangoloi Au jana palaluonKu ma rimas ni rohangKu tu angka musungKu.”

BILANGAN 14:28

Dohononmu ma mangalusi halahi songon on: didok Tuhan i, ‘Marsumpa ma Au hara ni hadirionKu, angkon baenonKu tu hamu mangihutkon pangidoanmunu sandiri. Au do Tuhan mandok.

1 KORINTUS 10:5

Tapi haru songon i pe nada sonang roha ni Debata mida umbahatan sian halahi jana hara ni i ma umbaen na marragean bangke ni halahi di halongonan i.

JUDAS 1:5

Madung diboto hamu i sudena. Tapi haru songon i pe laing hupaingot ma hamu taringot tu dalan na nibaen ni Tuhan laho paluahon bangso Israel sian tano Mesir, tapi dung salpu i, diragehon Ia do sanga ise angka na so porsaya sian halahi.

HAKIM-HAKIM 2:15

Ganop kehe halahi marporang, Tuhan mangalo halahi, songon na dung dipasingotkon ni Tuhan hian tu halahi. Jadi gabe marhancit situtu ma halahi.

1 SAMUEL 5:11

Jadi gabe dipiohon halahi ma sude raja ni Pilistin anso marlagut, didok halahi ma, “Paulak hamu ma da Poti Parjanjian ni Israel i tu ingananna humani anso ulang hona bunu hita dohot sisolkotta.” Masa ma hagunturon godang di kota i sude, angke hona uhum na borat situtu do halahi dibaen Debata.

1 SAMUEL 5:6

Dibaen Tuhan i ma uhum na borat tu halak Asdod jana dibaen ma halahi maoto. Diuhumi ma halahi sude dohot halak na adong di na humaliang huta i, marhite na parohon baro tu pamatang ni halahi.

1 SAMUEL 5:9

Tapi di na lalu Poti i disi, diuhum Tuhan ma kota i muse jana masa ma hasonggoton na godang situtu. Hona uhum ma halak kota i na poso sanga na matobang hona ma na baro-baroon na martubuan di pamatang ni halahi.

1 SAMUEL 7:13

Songon i ma pangalahona talu halak Pilistin jana nada dipatola Tuhan halahi masuk tu tano ni halak Israel. Salolot mangolu si Samuel, na so jungada do monang halak Pilistin maralohon halak Israel.