PANGARATAION 19:15 - BIBEL JAMITA NA DENGGAN

¹⁵ “Nada tuk sada halak sajo saksi laho patorangkon sada halak na hona tuhas marsala, na ummotikna dua saksi porlu di pangalaho i.

PANGARATAION 19:15 ပူးပေါင်းရင်းမြစ်များ

1 RAJA-RAJA 21:10

Suru hamu ma dua halak na jahat juguk di jolonia jana ditudu ma ia na mamurai Debata dohot raja. Dung i oban hamu ma ia tu balian ni kota jana nidangguran ma ia dohot batu lopus mate.”

1 RAJA-RAJA 21:13

Juguk ma dua halak na jahat adop si Nabot, jana dituhas halahi na dua ma si Nabot di jolo ni halak na bahat i na dung mamurai Debata dohot raja. Jadi hara ni i ma dalanna dioban ia tu balian ni kota lalu didangguri dohot batu lopus mate.

BILANGAN 35:30

Di bagasan parkaro na mamunu, halak na asing, anso tarsalahon ia jana anso tola diuhum mate, angkon adong dua halak sanga lobi manyaksihon i. Hum sahalak saksi nada tuk manyaksihon sanga na tutu na nituhaskon i.

MATEUS 18:16

Tapi muda inda ditangihon ia, oban ma sahalak sanga dua halak nari, anso gomos angka hata ni dua sanga tolu halak saksi i.

JOHANNES 7:51

“Anggo mangihutkon Tona i nada tola hita manguhum-uhumi halak, anggo so jolo nibege dope parkarona, jana anggo so jolo dipareso sanga aha na nibaenNia.”

JOHANNES 8:17

Tarsurat do di angka Tona i songon on: Na tutu do na ni saksian ni dua halak.

2 KORINTUS 13:1

Patolu-nolihonon ma ro au mandapotkon hamu. Di Buku Na Badia i adong do tarsurat, “Sanga na parkaro aha pe na niaduhon, angkon adong do dua sanga tolu saksi na patorangkon, baru pe anso sah parkaro i.”

PANGARATAION 17:6

Tapi angkon adong do dua saksi sanga lobi anso tola ia bunuon; anggo hum sada halak sajo do saksina, nada tola dope ia bunuon.

1 TIMOTEUS 5:19

Muda adong sada pangaduan maradopkon sada halak sintua, ulang jagit muda so adong dua bagi tolu halak saksi.

IBRANI 10:28

Sanga ise na so burju mangoloi angka Tona Ni Debata na nipasahat ni si Musa, nimatehon sajo do i nada adong ampunan, muda tardapot ia marsala disaksihon dua sanga tolu halak.