PANGARATAION 19:13 - BIBEL JAMITA NA DENGGAN

¹³ Ulang dibaen ibo ni roha tusia. Palua hamu ma Israel sian sibunu jolma i, anso sonang hamu.”

PANGARATAION 19:13 ပူးပေါင်းရင်းမြစ်များ

PAMUNGKAAN 9:6

Songon Debata do jolma i ditompa, jadi hara ni i sanga ise na mambuat hosa ni jolma, bunuon ni jolma muse ma ia.

2 SAMUEL 14:7

Jana saonnari gabe sude ma koum sisolkotku mangalo au jana marsituntut anso hupasahat anakki tu halahi anso bolas matehonon ni halahi, hara ni na dung dibunu ia angginia i. Muda baenon ni halahi ma songon i, gabe mamunjung noma sasada au, so adong be sada anak pe. Soadahonon ni halahi ma arop ni rohangku na sasada i jana nada adong be anak halaklahi na tinggal di halaklahingku laho patoruskon pomparannia.”

2 SAMUEL 21:1

Dompak si Daud mamarenta, masa ma haleon potir tolu taon honokna. Dung i adong ma dijagit si Daud panogu-noguon ni Tuhan taringot tusi, jana didok Tuhan ma, “Anggo haleon i, i ma hara ni hasalaan ni si Saul dohot donganna sabagas, mate diuhumi halahi antong angka halak Gibeon.” (

2 SAMUEL 21:14

Dung i ditanom ma holi-holi ni si Saul dohot si Jonatan dohot sipitu halak i di kuburan ni si Kis amang ni si Saul, di Zela na di Luat Benyamin. Dung sidung dipadalan sudena i hombar tu parenta ni raja i, dipatulus Debata ma tangiang ni halahi salaho tu luat i.

1 RAJA-RAJA 2:31

Umbege i didokkon raja i ma, “Kehe ma ho, baen ma songon na nidoknia i. Bunu ma ia lalu kuburkon, anso ulang be mangonai tu au dohot tu pomparanku pamunuon ni si Joab tu halak na so marsala.

JEHESKIEL 16:5

Sahalak pe nada adong na maribo ni roha tu ho na mambaen angka na songon i tu ho. Di na sorang ho, nada adong na marholong ni roha tu ho, diambungkon do ho tehe di ladang hara ni gigina mida hosamu.

HAMALIMON 24:17

Sanga ise mamunu halak na asing, angkon mate hona uhum.

HAMALIMON 24:21

Sanga ise mamunu pahan-pahanan angkon digonti ia, tapi muda na mamunu jolma, angkon mate uhumon.

BILANGAN 35:31

Sahalak pamunu angkon mate uhuman. Nada tola tobusonnia uhuman i dohot hepeng.

PANGARATAION 13:8

ulang tangihon i jana ulang padiar dirimu dielek-eleksa. Ulang ibo rohamu di halak sisongon i sanga diondihon ho,

PANGARATAION 19:12

Di bagasan pangalaho sisongon i, angkon pioon ni pamimpin ni kota do halakna i laho pasahatkonsa tu koum sisolkotna na martanggung jawab laho mamaloskon pamunuon i, anso bolas ia mate niuhuman.

PANGARATAION 19:21

Di angka parkaro sisongon i, ulang baen hamu ibo ni roha. Angka songon on ma uhumanna: Hosa gonti ni hosa, mata gonti ni mata, ipon gonti ni ipon, tangan gonti ni tangan, jana pat gonti ni pat.”

PANGARATAION 21:9

Jadi songon i ma i, muda dipatulus hamu sanga aha na nipangido ni Tuhan i, nada etongon be hamu martanggung jawab di pamunuon i.”

PANGARATAION 25:12

ulang dibaen ibo ni roha tu dadaboru i; nigotapkon tanganna i.

PANGARATAION 7:16

Sandok bangso na nipasahat ni Tuhan Debatamu tu bagasan kuasomunu, siabiskononmunu do sudena i; ulang patuduhon hamu ibo ni roha tu halahi. Ulang somba hamu angka debata ni halahi, dibaen na mangalapi hamatean tu dirimunu do pangalaho na songon i.

PANGARATAION 7:2

Muda dipasahat Tuhan Debatamu angka bangso i tu bagasan kuasomu jana talu halahi dibaen ho, angkon bunuonmunu do sude halahi. Ulang baen parjanjian dohot halahi, sanga pe maribo ni roha.