11 Tapi adong ma umpamana sada halak na mangadang musuna jana sangajo dibunu ia, lalu dilojongi ia tu sada sian kota i laho manjalahi parlindungan.
Muda adong sanga ise na mambuat hosa ni jolma, uhumon do i. MatehononKu do sandok binatang na mambuat hosa ni jolma.
Songon Debata do jolma i ditompa, jadi hara ni i sanga ise na mambuat hosa ni jolma, bunuon ni jolma muse ma ia.
Halak na mamunu jolma, na mangkojar hamatean do i, ulang ma adong na manolong ia.
Di bagasan parkaro na songon i angkon rapot godang do na mandabu uhum tu na mambaen mate i, nada sisolkot ni na mate i na giot mambaloskon.
Di bagasan pangalaho sisongon i, angkon pioon ni pamimpin ni kota do halakna i laho pasahatkonsa tu koum sisolkotna na martanggung jawab laho mamaloskon pamunuon i, anso bolas ia mate niuhuman.
‘Bura ni Debata ma di halak sibunu jolma di na buni.’ Dung i sude ma bangso i mandok: ‘I ma tutu!’
Halak na mangkosomi donganna, sibunu jolma do i, jana diboto hamu do ganop sibunu jolma nada maruli i di ngolu na manongtong.