PANGARATAION 18:9 - BIBEL JAMITA NA DENGGAN

⁹ “Muda masuk hamu tu tano na nilehen ni Tuhan Debatamunu i tu hamu, ulang antong tiru hamu angka pangalaho hagigian na nibaen ni angka bangso na adong disi.

PANGARATAION 18:9 ပူးပေါင်းရင်းမြစ်များ

2 RAJA-RAJA 17:11

Ditutung halahi muse do hamonyan di sude langgatan ni debata songon hasomalan ni angka bangso na dung diusir ni Tuhan sian Luat Kanaan. Marsomba gana-ganaan do halahi, haru pe na dung dilarang ni Tuhan. Sude na jahat na dibaen halahi paro muruk ni Tuhan.

2 RAJA-RAJA 17:8

jana diihutkon halahi hasomalan ni angka bangso na nipaorot ni Tuhan di na masuk bangso Israel mamorangi angka bangso i. Diihutkon halahi do adat na somal na nibaen ni angka raja ni Israel,

2 JUJUR TAON 28:3

jana ditutung ia dupa di Rura Hinom. Dipelehon ia dope tehe anaknia sandiri gabe haul tu gana-ganaan mangihutkon hasomalan na jat di angka jolma na nipaorot ni Tuhan sian tano Kanaan dompak na masuk halak Israel tu tano i.

2 JUJUR TAON 36:14

Tamba ni i, dipahodar angka pamimpin ni Juda, angka malim dohot rayat do Bagas Ni Tuhan na dung dihapunjungkon tu Tuhan i sandiri, harana dohot do antong halahi sandiri marsomba gana-ganaan dohot mangihutkon parngoluon na mardosa songon angka bangso na asing na humaliang halahi.

JEREMIA 10:2

Didok Ia do, “Ulang tiru hamu hasomalan ni angka bangso na leban, jana ulang gamang hamu mida angka tanda na di langit na nihabiaran ni angka bangso i.

HAMALIMON 18:30

Dung i didok Tuhan i ma, “Ihutkon ma sude angka parenta na dung Hulehen i, ulang tiru hamu pangalaho ni halak na mangingani Kanaan andorang so diingani hamu. Ulang dibaen ramun diriniba sandiri marhite karejo na songon i. Au do Tuhan Debatamu.”

PANGARATAION 20:18

Angkon bunuonmunu do halahi, anso ulang mardosa hamu maradopkon Tuhan hara ni na mangihut di pangajaran ni halahi laho mambaen angka pangalaho hagigian na nipatupa ni halahi di na mamele angka debata ni halahi.

PANGARATAION 9:4

Dung dipaorot Tuhan Debatamunu i halahi hara ni hamu, ulang dokkon hamu muse tu dirimunu sandiri, dioban Ia pe hamu tusi anso hamu nampuna tano i, hara ni na burju hamu jana dipatulus hamu hagiot ni Tuhan gabe patut ma hamu manjagitsa. Nada songon i! Dipaorot Tuhan pe angka bangso i di hamu, hara ni na jahat do halahi.

PANGARATAION 9:5

Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.