PANGARATAION 18:22 - BIBEL JAMITA NA DENGGAN

²² Muda manghobari sada panurirang mamake goar ni Tuhan, hape nada tulus masa na nidoknia i, nada sian Tuhan ro tona i. Sian goarna sandiri do manghobari panurirang i, jana ulang pola mabiar hamu tusi.”

PANGARATAION 18:22 ပူးပေါင်းရင်းမြစ်များ

1 RAJA-RAJA 22:28

Didok si Mika ma, “Muda horas torkis do tuan i mulak, i ma tandana na so mandok hata Tuhan marhite sian au! Tu hamu sude ma na hudok on!”

2 RAJA-RAJA 20:1

Laing di ombas i baroon ma Raja Hiskia hancit sajo jabat giot mate ia. Ditopot Panurirang Jesaya anak ni si Amos ma ia jana didok ma tusia, “Madung ditonahon Tuhan anso dihobasi raja i sandok karejo, angke nada malum be raja i. Nada sadia honok nari be anso marujung ngolu ni raja i.”

PODA 26:2

Songon unggas na habang di awang-awang jana hum na mamolus sajo, nada tarbaen hona bura halak muda na so marsala do.

JESAYA 41:22

Ro ma hamu tuson jana dokkon ma tu hami, aha do na giot tarjadi. Pajojor ma na masa di hatiha na salpu, patorang ma astuanna anso binoto tontu.

JUNUS 3:4

Masuk ma si Junus tu kota i jana dung didalani ia sasadari mamungka ma ia marjamita, ning ia ma, “Opat pulu ari nari, maronco ma Ninive!”

JUNUS 4:2

Jadi martangiang ma ia, “Nada he hudok hian do ale Tuhan taran so kehe sian bagasku na salpu i, na giot songon i hian do baenonMu? Hara ni i ma umbaen na huompoti kehe tu Tarsis! Huboto humani do Debata pangusayang dohot parholong Ho, na lambok jana mura sajo do manigor di Ho pauba sangkapMu manguhumi.

ZAKARIA 2:13

Maringanan ma hamu sudena di jolo ni Tuhan! Angke madung ro Ia antong sian inganan parmiananNia na badia i.

PANGARATAION 18:20

Tapi muda adong sada panurirang na puluk palaluhon tona mamake goarKu, hape nada na Husuru ia mambaen songon i, angkon mate do ia hara ni pangalahona i, laing songon i muse do angka panurirang na manghatahon hata ni debata na asing.

PANGARATAION 18:21

Muda didok rohamunu: Bia ma pambotonami di tona ni sada panurirang na marasal sian Tuhan sanga nada?

1 SAMUEL 3:19

Mur magodang ma si Samuel. Didongani Tuhan do ia jana dipatulus do tutu tarjadi sude na nidok ni si Samuel.