PANGARATAION 18:18 - BIBEL JAMITA NA DENGGAN

¹⁸ SuruonKu ma tu halahi sian bangso ni halahi sandiri sada halak panurirang, songon ho, Musa. DokkononKu ma tusia sanga aha dokkononnia, jana palaluonnia ma tu bangso i sandok na Huparentahon.

PANGARATAION 18:18 ပူးပေါင်းရင်းမြစ်များ

MASMUR 110:4

Madung marsumpa Tuhan, nada tarihonNia be mangulahi, “Ho do malim salolot-lolotna, mangihutkon aturan ni si Melkisedek.”

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

HARURUAR 4:12

Saonnari, kehe ma ho, Au do manolong dohot mangajari ho sanga aha pe sidokkononmu.”

HARURUAR 4:15

Manghobari ma ho dohot ia, paboa ma tusia aha sidokkononnia. Huurupi pe hamu na dua jana Huajari pe mandok sanga aha sidohononmunu dohot sibaenonmunu.

JESAYA 50:4

Diajari Tuhan Debata do au mandok hata, anso hupargogoi halak na gale. Ganop manyogot disungguli Ia rohangku laho manangihon pangajaranNia tu au.

JESAYA 51:16

Hubaen do hatangKu tu pamanganmu, jana Hubunihon do ho di ondingan ni tanganKu, anso Hupahembang muse langit jana Hupayakkon ojahan ni tano on, dohononKu ma tu Sion: Ho do bangsongKu!”

JESAYA 51:4

Parrohahon ma sorangKu, ale angka bangso, patinggil ma pinggolmu tu Au, ale angka marga ni bangso na marragam! Angke ruar ma pangajaran sian Au, jana tonangKu gabe sinondang tu sude bangso.

JEREMIA 1:9

Dung i disurduhon Tuhan ma tanganNia jana dijama Ia ma pamanganku lalu didok Ia, “Satutuna, madung Hubaen hatangKu tu bagasan pamanganmu.

HOSEA 12:14

Disuru Tuhan do sada panurirang laho paluahon halak Israel sian parhatobanan di Mesir, bope laho manjagohon halahi.

AMOS 2:11

Hupili do sian angka dakdanakmu gabe panurirang, dohot angka doli-dolimu gabe halak nasir. Nada he tutu songon i, ale halak Israel? Au Tuhan mandok songon i.

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

BILANGAN 12:13

Dung i dipangido si Musa ma tu Tuhan i, “Ale Debata, pamalum ma ia.”

BILANGAN 23:16

Didapotkon Tuhan ma si Bileam, jana dipaboa Tuhan ma sanga aha na giot dohononnia, lalu disuru ia mulak tu si Balak paboahon tona ni Tuhan i.

BILANGAN 23:5

Dung i dipaboa Tuhan i ma tu si Bileam sanga aha na angkon dohononnia, lalu disuruSa anso mulak ia tu si Balak pabolkaskon tona ni Tuhan i tusia.

LUKAS 24:19

“Aha na masa?” ninna Jesus. “I ma na masa tu Jesus halak Nasaret i,” ning halahi mangalusi. “I ma sada panurirang na markuaso situtu hataNa, dohot pambaenanNa pe margogo situtu – di jolo ni Debata dohot di jolo ni jolma pe.

JOHANNES 1:21

“Anggo songon i, ise dehe ho satutuna?” ninna halahi manyapai. “Sanga si Elia dehe ho?” “Nada,” ning si Johannes mangalusi. “Betak na ho do panurirang na indohan?” ning halahi manyapai. “Nada,” ning ia.

JOHANNES 1:25

Disapai halahi ma tu si Johannes, “Anggo so ho do Kristus i, nada si Elia ho, nada panurirang na indohan muse ho, biasi dipandidihon ho halak?”

JOHANNES 1:45

Dung i marsuo muse ma si Pilipus dohot si Natanael jana didok ia ma, “Madung marsuo hami dohot Ia na nidok ni si Musa di bagasan Buku Tona i, dohot na nidok ni angka panurirang, i ma Jesus anak ni si Josep halak Nasaret i.”

JOHANNES 12:48

Saulahon, adong do na manguhumi sanga ise na so ra manjagit Au jana na so ra patuluskon angka na Hudok. Jamita na Hupalalu i do na gabe panguhum maradopkon halahi di Ari Parpudi.

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

JOHANNES 17:18

Madung disuru Damang Au tu portibi on, laing songon i muse madung Husuru halahi tu portibi on.

JOHANNES 17:8

Madung Hupalalu tu halahi barita na nilehen ni Damang i tu Au; jana madung dijagit halahi i. Madung tangkas sajo di halahi, Damang do na marsuru Au.

JOHANNES 4:25

Didok anak boru i ma tu Jesus, “Huboto do na giot ro humani Mesias i (i ma na margoar Kristus). Jadi muda ro Ia, paboaonNia ma sasudena tu hita.”

JOHANNES 8:28

Jadi didokkon Jesus ma tu halahi, “Dung dipatuginjang hamu sanoli on Anak Ni Jolma i, botoonmunu ma disi, ‘Au do’ na nidok ni surat i. Disi pe anso tangkas diboto hamu na so adong sada pe na Hubaen i sian roha-rohangKu sandiri. Sanga aha na niajarkon ni Damang tu Au, hum i sajo do na Huhatahon.

BAENON NI ANGKA RASUL 3:22

Angke jungada do didok si Musa, ‘Suruhonon ni Tuhan Debatamunu do tu hamu sada panurirang sian bangsomunu sandiri songon parsuruNia di au. Angkon tangihononmunu do sude na nidok ni panurirang i tu hamu.

BAENON NI ANGKA RASUL 7:37

Laing si Musa on do na mandok tu halak Israel, ‘Lehenon ni Debata ma tu hamu sada panurirang na nipiliNia sian tonga-tongamunu sandiri, songon panodoNia di au.’

PANGARATAION 18:15

Tapi suruonNia ma tu hamu sian bangsomunu sandiri sada halak panurirang songon au on jana angkon oloanmunu do panurirang i.

PANGARATAION 33:5

Di na marlagut bangso on dohot angka pamimpinNa, Tuhan do na gabe raja di bangsoNa.”

PANGARATAION 34:10

Nada adong dope di Israel sada panurirang songon si Musa na paadop-adop mangkobari dohot Tuhan.

PANGARATAION 5:5

Jongjong do au di hatiha i di antaramunu dohot Tuhan laho palaluhon tu hamu sanga aha na nidok ni Tuhan, angke mabiar do hamu tu api i jana nada ra hamu manganangkohi dolok i.

1 TIMOTEUS 2:5

harana hum sada sajo do Debata jana sada muse do panonga-nongai ni Debata dohot jolma, i ma jolma Jesus Kristus.

IBRANI 7:22

Jadi dao do dumenggan pamudun ni janji na nibaen ni Jesus i.