PANGARATAION 18:10 - BIBEL JAMITA NA DENGGAN

¹⁰ Ulang pelehon hamu angka dakdanakmunu di bagasan api di ginjang ni langgatanmunu. Ulang patola hamu bangsomunu gabe tukang ramal, manjalahi angka tanda-tanda, mamake jampi-jampi sanga

PANGARATAION 18:10 ပူးပေါင်းရင်းမြစ်များ

PAMUNGKAAN 44:5

Biasi ditangko hamu piala perak ni tuanku? Panginumannia do piala i dibaen ia dohot panjamaan laho martondung do i. Na mambaen hajahatan godang do hamu!’ ”

2 RAJA-RAJA 16:3

Tiruan ni angka raja ni Israel do diihutkon ia, salangkan anaknia sandiri pe dipasahat ia do gabe haul tu gana-ganaan, mangihutkon hasomalan na so ture di angka jolma na hona usir ni Tuhan sian Luat Kanaan di na masuk halak Israel tu luat i.

2 RAJA-RAJA 17:15

Nada ra Israel dohot Juda mangoloi angka parenta ni Tuhan jana nada sintong halahi tu parjanjian na nibaenNia dohot ompu ni halahi. Nada ditangihon halahi muda digorahon Tuhan halahi, tapi marsomba tu gana-ganaan na so marguna do halahi, jadi halahi pe gabe nada marguna be. Mangihut tu tiruan ni angka bangso na humaliang i do halahi haru pe madung dilarang Tuhan.

2 RAJA-RAJA 17:17

Dipelehon halahi do angka dakdanak ni halahi gabe haul situtungon tu debata. Mamake angka ajimet do halahi jana dipangido halahi angka panogu-noguon sian angka datu na marhadomuan tu angka begu. Sun do ringgas ni halahi mambaen angka pangalaho na nihagigihon ni Tuhan, mambaen muruk situtu Tuhan,

2 RAJA-RAJA 21:6

Dipelehon ia do anaknia ditutung songon haul. Laing dipadalan si Manase on muse do hadatuon na mangaligi nasib, aji dohot na mangido panogu-noguon tu angka begu. Na borat do pardosaonnia maradopkon Tuhan, gabe pasunggul-sunggul muruk ni Tuhan.

2 RAJA-RAJA 23:24

Laho patuluskon angka tona na tarsurat di buku na dapot ni Malim Godang Hilkia di Bagas Ni Debata i, dipaorot Raja Josia ma sian Jerusalem dohot sude Juda sanga ise na marpio sumangot dohot partondung, jana diambungkon sude debata ni rumahtangga, gana-ganaan dohot barang-barang na nipake laho mamele angka debata.

1 JUJUR TAON 10:13

Marujung do ngolu ni si Saul hara ni na so setia ia tu Tuhan. Nada mangido panogu-noguon ia sian Tuhan, tapi sian angka tondi ni na mate do. Dilanggar ia do angka na niparentahon ni Tuhan. Jadi hara ni i ma umbaen na niuhum ni Tuhan ia jana dipasahat ma harajaannia i tu si Daud anak ni si Isai.

2 JUJUR TAON 28:3

jana ditutung ia dupa di Rura Hinom. Dipelehon ia dope tehe anaknia sandiri gabe haul tu gana-ganaan mangihutkon hasomalan na jat di angka jolma na nipaorot ni Tuhan sian tano Kanaan dompak na masuk halak Israel tu tano i.

2 JUJUR TAON 33:6

Dipelehon ia do angka dakdanaknia gabe haul situtungon di Rura Hinom. Dipadalan ia muse do pangalaho hadatuon, na martondung, aji, dohot na mangido panogu-noguon tu angka sumangot. Mardosa situtu do ia tu Tuhan jabat dipagurgur ia muruk ni Tuhan.

HARURUAR 22:17

Tapi muda nada diisinkon amang ni bujing-bujing i buaton ni bayo i borunia i, angkon gararan ni bayo i do tu amang ni anak boru i sabahat ni sere boli ni sada bujing-bujing.

HARURUAR 22:18

Ganop dadaboru na mambaen aji angkon bunuon.

JESAYA 47:13

Madung sorat ho hara ni bahat ni sipaingot. Piohon ma antong angka partondung, anso malua ho. Diparsiajari halahi do angka bintang, jana ditontuhon batas ni langit na hembang. Ganop bona ni bulan na imbaru diramal halahi ma bagianmu.

JEREMIA 27:10

Na paoto-otohon hamu do i lopus dioban hamu dao sian tanomunu. UsironKu ma hamu sian tanomunu jana mago ma hamu.

JEREMIA 27:9

Ulang patangi-tangi hamu angka panurirang, sanga na ise pe tehe na mangorai hamu tunduk tu raja ni Babel, haru pe dioku halahi na dung manjagit panuturion halahi sian nipi, angka tondi na so niida, sanga marhite gogo ni hadatuon.

JEREMIA 32:35

Dipambaeni halahi do angka langgatan tu Baal di Rura Hinom, jana dipelehon halahi angka dakdanak halaklahi dohot dadaboru ni halahi tu Debata Molok. Hape nian na so jungada do Husuru halahi patupahon na songon i, salang tubu di bagasan rohangKu pe nada jungada sisongon i paboa na giot baenon ni halahi parbuatan na songon i jorbutna dohot na mambaen halak Juda mardosa.”

JEREMIA 7:31

Madung dipajongjong halahi sada langgatan na margoar Tofet di Rura Hinom laho manghaulkon angka dakdanak ni halahi baen haul situtungon. Hape so jungada Husuru halahi mambaen sisongon i, salang tubu di bagasan rohangKu pe nada unjung na songon i.

HAMALIMON 19:26

Ulang pangan juhut anggo laing marmudar dope. Ulang mamake elmu na songon dia pe.

HAMALIMON 19:31

Ulang ho kehe mangido sipaingot sian halak na mambaen pardomuan tu angka tondi ni na mate. Muda dibaen hamu songon i, gabe ramun ma hamu. Au do Tuhan Debatamu.

HAMALIMON 20:6

Muda kehe sahalak mangido partolongan tu halak na mambaen pardomuan dohot angka tondi ni na mate angkon aloonKu do i jana nada etongonKu be ia halakKu.

MIKA 5:12

RopuhonKu angka patungmu dohot angka tugu pameleanmu; nada be sombaonmunu angka barang-barang na nibaen ni tanganmu sandiri.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

BAENON NI ANGKA RASUL 19:19

Jana angka halak na dung somal padalan hadatuonna, dipalagut halahi ma angka buku ni halahi, ditutung halahi ma i di jolo ni halak na bahat. Sugari dipalagut arga ni buku i sude, mararga ma i hira-hira lima pulu ribu hepeng perak.

BAENON NI ANGKA RASUL 8:9

Adong ma sada bayo di kota i na margoar si Simon, na dung honok pahomang-homang roha ni halak Samaria hara ni ilmu sihirnia. Pandoknia tu halak, halak na godang do ia.

GALATIA 5:20

na manyomba gana-ganaan, sihir, parbadaan, parsalisian, mamikirkon diri sandiri, tahi-tahi na jat, pamola-mola,

PANGARATAION 12:31

Ulang cubo-cubo hamu maniru pambaen ni halahi marsomba tu angka debata ni halahi laho manyomba Tuhan Debatamunu, angke dompak marsomba, dipatupa halahi do angka pangalaho na jorbut na nihagigihon ni Tuhan. Salang angka dakdanak ni halahi sandiri pe antong ditutung halahi do di ginjang ni langgatan gabe songon haul tu angka debata ni halahi i.

1 SAMUEL 15:23

Angke na mangalo tu Tuhan tudos tu na padalan aji do jahat ni i jana hatangkangon sarupa do jahat ni i tu na manyomba debata. Dibaen madung ditulakkon raja i parenta ni Tuhan, jadi Tuhan i pe madung manulakkon raja i songon sada raja.”

1 SAMUEL 28:3

Madung mate di hatiha i si Samuel jana diandungi sude Israel lalu ditanom di Rama, hutania sandiri. Laing di hatiha i muse, madung dipaorot si Saul sian Israel sude pangaramal dohot datu pamio ni sumangot.

1 SAMUEL 28:7

Jadi hara ni i didok ia ma tu angka hatobannia, “Jalahi hamu sibaso na malo mamio sumangot, tusi noma au kehe laho mangido panogu-noguon.” Dialusi halahi ma, “Di En-Dor adong do datu.”

1 SAMUEL 28:8

Dung i marsipaula-ula ma si Saul anso ulang ditanda halak. Kehe ma ia diudurkon dua bayo jana lalu borngin ma halahi di bagas ni datu i. Ninna si Saul ma, “Piohon ma tondi ni halak na giot dokkononku goarna jana pangido ma anso ditondung ia sanga aha na giot tarjadi.”

1 SAMUEL 28:9

Dialusi anak boru i ma, “Tontu diboto ho do na dung dipaorot ni Raja Saul sian Israel angka partondung dohot datu sipio sumangot. Biasi dope dicubo ho laho padapotkon au anso hona bunu au?”