PANGARATAION 18:1 - BIBEL JAMITA NA DENGGAN

¹ “Anggo Marga Levi na gabe hasahatan ni karejo mangoloi songon malim nada tola manjagit tano parbagian di Israel. Angkon sian angka haul dohot angka haul na asing na dilehen tu Tuhan do halahi mangolu.

PANGARATAION 18:1 ပူးပေါင်းရင်းမြစ်များ

JEREMIA 33:18

tongtong adong angka malim sian Marga Levi na markobasi tu Au dohot na manghaulkon haul situtungon, haul gandum dohot haul pahan-pahanan.”

JEHESKIEL 44:28

Dijagit angka malim i do jabatan hamalimon i gabe songon bagian ni halahi sian na Hulehen tu Israel marsundut-sundut.

BILANGAN 18:20

Didok Tuhan muse tu si Harun, “Nada adong lehenon di hamu bagi aha tean-teanan. Sabagian tano pe nada adong di luat na Hujanjihon i nada adong ho puna. Au do Tuhan, Au do bagian siteanonmu.”

BILANGAN 26:62

Bahat ni anak halaklahi sian Marga Levi na marumur sabulan sanga lobi adong do 23.000 halak. Asing do halahi disuratkon sian halak Israel i, angke nada dilehen di halahi tano siteanon ni Israel i.

PANGARATAION 10:9

I ma dalanna nada manjagit tano Marga Levi songon angka marga na asing; hasangapan do na nijagit ni halahi anso gabe malim ni Tuhan songon na nijanjihon ni Debata.)

PANGARATAION 12:19

Denggan ma jagohon hamu anso ulang jabat tarlalap hamu tu horong Levi salolot mangolu hamu di tano i.

JOSUA 13:14

Anggo Marga Levi nada manjagit tano parbagian sian si Musa. Madung didokkon Tuhan humani tu si Musa, anggo bagian ni Marga Levi, i ma na sian haul na nitutung di langgatan baen di Tuhan Debata ni Israel.

JOSUA 13:33

Tapi anggo Marga Levi nada mandapot tano hum saotik pe sian si Musa. Madung didok si Musa tu halahi, anggo bagian silehenon di halahi i ma, sian haul na nihaulkon tu Tuhan Debata ni Israel.

JOSUA 18:7

Hum Marga Levi sajo do na so dapotan parbagian tano rap dohot hamu, angke anggo bagian ni halahi, i ma: Gabe angka malim laho mangoloi Tuhan. Jana anggo salaho tu Marga Gad, Ruben dohot Manase Parhabincaran, na dung manjagit bagianna be do halahi di Habincaran ni Jordan. Na dung dilehen si Musa, naposo ni Tuhan i do tano i di halahi.”