PANGARATAION 17:9 - BIBEL JAMITA NA DENGGAN

⁹ Paadop hamu ma angka parkaromunu i tu angka Malim Levi dohot tu hakim na markarejo di hatiha i, padiar hamu ma halahi mamutuskon parkaro i.

PANGARATAION 17:9 ပူးပေါင်းရင်းမြစ်များ

1 JUJUR TAON 26:29

Anggo tu pomparan ni si Jishar, si Kenania dohot angka anakna i, dipasahat ma karejo administrasi dohot angka karejo mangadili di Israel.

HARURUAR 18:16

Muda adong hagaoran di halahi, mangadop ma i tu au anso huputuskon sanga ise na tigor, jana hupaboa ma tu halahi angka parenta dohot aturan-aturan ni Debata.”

HARURUAR 22:8

Tapi anggo so tarboto do sanga ise na manangko i, angkon obanon ma halak na manyimpan angka barang sigodang arga i tu inganan paribadatan, jana angkon disumpahon ia disi paboa na so ia manangko barang na nipasimpankon i disia.

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

JEHESKIEL 44:24

Muda adong tarjadi parkaro, angkon pasidungon ni halahi do i hombar tu angka aturan na sian Au. Angkon pagodangon ni halahi do angka pesta ugamo, marguru tu angka aturan dohot angka uhum na sian Au, jana angkon pasangapon ni halahi do Ari Sabat songon ari hapunjungan di Au.

HAGAI 2:11

“Songon on do hata ni Tuhan Na Markuaso: Sapai ma tu angka malim taringot tu pangajaran.

ZAKARIA 3:7

“Muda dioloi ho angka aturanKu jana didalankon ho angka karejo na Hulehen tu ho, jadi bolas ma ho gabe pamimpin tu pudi on di bagasan BagasKu dohot mangurus alamanna i. TangihononKu ma angka tangiangmu, songon panangihonKu di angka tangiang ni angka surusuruan na donok tu lambungKu.

ZAKARIA 7:3

Laing disuru do halahi marsapa tu angka malim dohot panurirang, songon on, “Angkon tangis dope he hami jana puaso ganop di bulan palimahon songon na dung hami dalankon martaon-taon honokna?”

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

PANGARATAION 16:18

“Di ganop kota na nilehen ni Tuhan Debatamunu tu hamu angkon angkatonmunu do panguhum dohot angka parkarejo na asing laho manguhumi rayat i di bagasan na sintong.

PANGARATAION 17:10

Halahi ma na mangalehen haputusan, jana angkon tangkas patulusonmunu sanga aha na nidok ni halahi tu hamu.

PANGARATAION 21:5

Angkon kehe muse do tu inganan i angka Malim Levi, angke halahi do antong na angkon mangalehen haputusan di bagasan sasude parkaro ni na pajolo gogo. Na dung dipili ni Tuhan Debatamunu do halahi laho mangoloi tuSia dohot mandok hata pasupasu mangasahon goarNia.

PANGARATAION 25:1

Adong ma umpamana dua halak Israel na kehe tu pangadilan laho pauruskon sada parsalisian, gabe didok ma na so marsala na sada jana na sada nari i marsala.

PANGARATAION 33:10

Diajari halahi do bangsoMu mangoloi UhumMu; dibaen halahi do haul di langgatanMu.