PANGARATAION 17:8 - BIBEL JAMITA NA DENGGAN

⁸ Betak sai adong parkaro na so tarputuskon angka hakim di sada inganan hara ni na mamaoltu, umpamana taringot tu hak parnampunaon, na marsibugangan pamatang, sanga parkaro na marsibunuan na sangajo sanga na so sangajo, di na songon i angkon kehe do hamu tu inganan paribadatan na nitontuhon ni Tuhan Debatamunu i.

PANGARATAION 17:8 ပူးပေါင်းရင်းမြစ်များ

2 SAMUEL 15:2

Ganop ari disi ngot manyogot jongjong ma si Absalom di topi dalan na di lambung ni pintu horbangan ni bagas godang i. Sandok halak na giot mangaduhon parkaro tu raja i, dipio si Absalom jolo jana disapai ia, “Sian marga dia do ho?” Jana muda dialusi halakna i, ‘Sian marga on sanga marga i,’

1 JUJUR TAON 26:29

Anggo tu pomparan ni si Jishar, si Kenania dohot angka anakna i, dipasahat ma karejo administrasi dohot angka karejo mangadili di Israel.

HARURUAR 18:15

Dialusi si Musa ma, “Angkon songon i do baenonku, harana tu au do marroan angka halak na giot umboto lomo ni roha ni Debata.

HARURUAR 18:26

Gabe hakim ma halahi di bangso i lopus tu ujung ni ngolu ni halahi. Angka parkaro-parkaro na penting, tu si Musa ma dipasahat halahi, tapi anggo angka soal na menek-menek do, laing halahi noma pasidungkonsa.

HARURUAR 21:20

Sanga ise na mamukul hatobanna halaklahi sanga dadaboru jabat manigor mate satongkin i, angkon niuhuman do halakna i.

HARURUAR 21:22

Muda adong halak na marbadai, jana tartondong sada halak ma ina-ina na denggan pamatangna gabe haambungan ia, tapi nada pola adong na asing na hancitnia; angkon gararan ni na manondong i do dangdangna sanga sadia dituntut halaklahi ni dadaboru i dung jolo satuju angka hakim.

HARURUAR 21:28

“Muda adong lombu jantan mandogo-dogo halak, gabe mate na hona dogo i, angkon nidangguran lombu i dohot batu lopus mate, jana nada tola panganon juhutna i, tapi anggo nampuna lombu i nada pola uhuman.

HARURUAR 22:2

Angkon gontionnia do barang na nitangkona i. Muda nada adong artania, angkon nigadis ia songon hatoban, baen gonti ni na nitangkonia i. Muda lombu, sanga halode sanga biri-biri umpamana na nitangkonia i, tardapot di halak na manangko i laing mangolu, angkon gontionnia do i dua noli lompit. Muda adong tardapot sada panangko di sada bagas borngin-borngin, gabe dibunu, nada marsala halak na mambuat hosana i hara ni na mamunu ia. Tapi anggo arian do i tarjadi, parsala do halak na mamunu panangko i.

HARURUAR 22:8

Tapi anggo so tarboto do sanga ise na manangko i, angkon obanon ma halak na manyimpan angka barang sigodang arga i tu inganan paribadatan, jana angkon disumpahon ia disi paboa na so ia manangko barang na nipasimpankon i disia.

JEHESKIEL 44:24

Muda adong tarjadi parkaro, angkon pasidungon ni halahi do i hombar tu angka aturan na sian Au. Angkon pagodangon ni halahi do angka pesta ugamo, marguru tu angka aturan dohot angka uhum na sian Au, jana angkon pasangapon ni halahi do Ari Sabat songon ari hapunjungan di Au.

HAGAI 2:11

“Songon on do hata ni Tuhan Na Markuaso: Sapai ma tu angka malim taringot tu pangajaran.

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

BILANGAN 35:11

angkon tontuhononmunu kota haporusan, anso tarbaen angka halak na so marsangajo mamunu jolma, marlojong tusi.

BILANGAN 35:16

Tapi muda adong sada halak na mamake sinjata bosi, sanga batu sanga hayu pe mamunu halak na asing, madung sala halakna i hara ni na mamunu, ia pe angkon mate uhumon.

PANGARATAION 1:17

Ulang teleng baen hamu haputusan; angkon dos do baenonmunu tu ganop halak panimbangna, ulang pola mangaligi sanga ise halakna i. Ulang habiari hamu sanga na ise pe, angke sian Debata do haroroan ni haputusan na nibaenmunu. Muda adong sada parkaro na mamaoltu di hamu, oban hamu ma i tu au. Anso au mamutuskonsa.’

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

PANGARATAION 12:14

tapi haulkon hamu ma di sada inganan sajo na ditontuhon ni Tuhan di luat ni sada sian margamunu. Hum tusi sajo do tola obanonmunu haul situtungon dohot patuluskon angka na asing na huparentahon tu hamu.

PANGARATAION 12:5

Sian sude luat na masuk tu angka marga ni Israel, pilion ni Tuhan ma sada inganan maribadat di bangsonta anso tarbaen hita ro tu adopan ni Tuhan laho manyomba Ia.

PANGARATAION 19:17

angkon kehe halahi na dua tu inganan paribadatan na dung ditontuhon Tuhan anso ditimbang angka malim dohot panguhum na topet markarejo di hatiha i.

PANGARATAION 19:4

Muda adong sada halak na so sangajo mamunu halak na asing na so musuna, tarbaensa ma paluahon dirina maporus tu sada sian kota i laho manjalahi parlindungan.

PANGARATAION 21:5

Angkon kehe muse do tu inganan i angka Malim Levi, angke halahi do antong na angkon mangalehen haputusan di bagasan sasude parkaro ni na pajolo gogo. Na dung dipili ni Tuhan Debatamunu do halahi laho mangoloi tuSia dohot mandok hata pasupasu mangasahon goarNia.

PANGARATAION 25:1

Adong ma umpamana dua halak Israel na kehe tu pangadilan laho pauruskon sada parsalisian, gabe didok ma na so marsala na sada jana na sada nari i marsala.