PANGARATAION 17:20 - BIBEL JAMITA NA DENGGAN

²⁰ Muda marsitutu ia manyise i, gabe nada momo be ia marpikir mandok na dumenggan ia sian halak Israel na asing i, jana nada be langgaronnia parenta ni Tuhan sanga na bia pe dalanna. Jadi mamarenta ma ia dohot pomparannia di bangso Israel marsundut-sundut.”

PANGARATAION 17:20 ပူးပေါင်းရင်းမြစ်များ

2 SAMUEL 22:23

Sude do uhumNia hudalankon parentaNia pe nada adong na huparnayangkon.

1 RAJA-RAJA 11:34

Tapi haru songon i pe, nada sude harajaan i buatonKu sian ia; padiaronKu dope ia markuaso salolot ngolunia. Songon i ma baenonKu hara ni naposongKu si Daud na dung Hutodo i jana na mangihutkon angka uhumKu bope na mangoloi angka na Huparentahon.

1 RAJA-RAJA 11:36

Tapi anggo samarga padiaronKu do disia, anso laing tongtong adong sahalak sian pomparan ni naposongKu si Daud na mamarenta di Au di Jerusalem, kota na Hutodo i baen inganan marsomba tu Au.

1 RAJA-RAJA 15:3

Dipambaeni si Abia do angka dosa songon na nibaen ni amangnia; nada sian rohania haburjuonnia mangoloi Tuhan Debatania, asing do sian ompuna si Daud.

1 RAJA-RAJA 15:5

Hara ni na nibaen ni si Daud do pangalaho na pasonangkon roha ni Tuhan umbaen dipatupa Tuhan songon i; nada jungada nayang rohania di angka na niparentahon ni Tuhan, asing sian parkaro na tu si Uria halak Het i.

1 RAJA-RAJA 2:3

Patulus ma sanga aha na niparentahon ni Tuhan Debatamu tu ho. Oloi ma sude tona dohot angka parentaNia na tarsurat di buku ni si Musa, anso sai maruntung ho sanga tudia pe ho kehe dohot di sude sanga aha na nikarejohonmu.

2 RAJA-RAJA 14:10

Hara ni na dung talu dibaen ho halak Edom ale Amasia, gabe ginjang ma rohamu. Dumengganan ma marmoga-moga ho hara ni hamonanganmi, di bagasmu ma ho. Aha ma gunana di ho mangalap-alapi hasusaan na hum pabaen-baen mago tu ho sandiri dohot tu rayatmu?”

2 JUJUR TAON 25:19

Ning rohamu, madung ditaluhon ho Edom, atehe Amasia, jadi gabe manggodang ma ho hara ni i. Gumonan ma da tinggal di bagasmu ho. Aha ma he gunana manjalak-jalahi parsoalan iba anggo hum na mangalapi hamamagoniba sandiri dohot rayatmi?”

2 JUJUR TAON 26:16

Dung gogo Raja Usia gabe ginjang ma rohania, jana i ma na maroban ia tu hasegoan. Dilanggar ia ma parenta ni Tuhan Debatania, harana masuk ma ia tu Bagas Ni Debata laho manutung dupa di ginjang ni langgatan pardupaan.

2 JUJUR TAON 33:12

Di bagasan pardangolannia i dipatoruk ia ma rohania tu Tuhan Debatania jana martangiang ma ia mangido pangurupionna.

2 JUJUR TAON 33:19

Di bagasan Buku Sejarah Ni Panurirang-panurirang disuratkon muse do tangiang ni si Manase dohot alus ni Debata tu tangiangnia i, songon i ma barita salaho tu angka dosania painte so muba rohania, angka inganan parsombaan ni gana-ganaan dohot angka patung ni Debata Asera na nibaennia, angka gana-ganaan na nisombania.

2 JUJUR TAON 33:23

Tapi asing sian amangnia i, nada patoruk roha si Amon jana nada mulak ia tu Tuhan; sumantak dope pardosaonnia sian amangnia i.

2 JUJUR TAON 34:27

jana hara ni i gabe manyosal jana dipatoruk ho rohamu di jolongKu. Disibakkon ho pakeanmu jana mangandungi ho hara ni marsakmu di na nibegemu ancaman na Hudok laho manguhum Jerusalem dohot halak na maringanan disi. Madung Hutangihon tangiangmi

MASMUR 119:102

Nada hupapudi angka uhumMu, angke Ho sandiri do mangajari au.

MASMUR 132:12

Muda setia angka dakdanakmu tu parjanjianKu, jana burju mangoloi angka parentangKu, jadi salolot-lolotna ma pomparan ni halahi manggontihon ho mangarajai.”

MASMUR 19:11

Dung i muse naposoMi diajari ia, upa na godang tu na mangoloi dipasingkop ia.

PODA 10:27

Pasangap ma Tuhan, anso lolot ho mangolu; anggo halak na jahat mate do painte so dapot hatihana.

PODA 27:24

dibaen nada hot sinadongan. Salang bangso pe nada martahan salolot-lolotna.

PARJAMITA 8:13

Sabalikna, anggo halak na jahat dapotan bahat hasusaan. Tibu salpu ngoluna i songon halinu. Mate ma ia dompak poso dibaen nada mangoloi ia tu Tuhanna.

HABAKUK 2:4

Jana ingot ma: halak na gakgak nada tigor rohana, tapi anggo halak na tigor sian haporsayaanna, i do na giot mangolu.”

2 KORINTUS 12:7

Tapi ulang maginjangtu rohangku hara ni angka parnidaan na luar biasa i, gabe dilehen do saragam nyae di pamatangku na gabe songon parkokas ni Sibolis. Gabe manyonggot rohangku do nyae i, anso ulang ginjang do rohangku umbaen na dilehen i.

PANGARATAION 12:25

Muda dioloi hamu parenta i, sonang ma roha ni Tuhan jana sonang ma hamu dohot pomparanmunu.

PANGARATAION 12:28

Muda dihaburjuhon hamu ma patuluskon sudena i na dung huparentahon tu hamu, gabe na patulus na denggan ma hamu na tumbuk di Tuhan Debatamunu, jana gabe sonang ma hamu rap dohot pomparanmunu ro di salolot-lolotna.”

PANGARATAION 12:32

Sai patulus hamu ma sandok na dung huparentahon tu hamu; ulang tambai sanga urahi hamu saotik pe.

PANGARATAION 17:11

Jagit hamu ma haputusan ni halahi i jana padalan hamu ma angka aturan ni halahi, lopus tu pangalaho na samenek-menekna.

PANGARATAION 4:2

Sandok na huparentahon i, ulang tambai sanga urahi hamu saotik pe. Oloi hamu ma angka parenta ni Tuhan Debatamunu na hulehen i tu hamu.

PANGARATAION 5:32

Angka dongan sabangso, burju be ma hamu mangoloi sasude na niparentahon ni Tuhan Debatamunu i tu hamu. Ulang adong sada pe sian angka parenta i langgar hamu.

PANGARATAION 8:2

Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

1 SAMUEL 10:25

Dung i dipatorang si Samuel ma tu bangso i taringot tu hak dohot sipatupaon ni raja, lalu disuratkon ia ma i di buku na disimpan di inganan na badia. Dung i disuru si Samuel ma sude bangso i marmulahan tu bagasna be.

1 SAMUEL 15:23

Angke na mangalo tu Tuhan tudos tu na padalan aji do jahat ni i jana hatangkangon sarupa do jahat ni i tu na manyomba debata. Dibaen madung ditulakkon raja i parenta ni Tuhan, jadi Tuhan i pe madung manulakkon raja i songon sada raja.”