PANGARATAION 17:17 - BIBEL JAMITA NA DENGGAN

¹⁷ Nada tola bahat dadaboru ni raja, anso ulang dililuhon ia sian Tuhan. Nada tola muse ia pamorahon dirina marhite perak dohot sere.

PANGARATAION 17:17 ပူးပေါင်းရင်းမြစ်များ

PAMUNGKAAN 2:24

Hara ni i ma umbaen na nitadingkon ni halaklahi amangna dohot inangna, jana gabe sada dohot dadaboruna, gabe sada ma halahi na dua.

2 SAMUEL 12:11

Husumpahon ma angkon paroonKu sori mago tu ho na ro sian tonga-tonga ni pangisi ni bagasmu sandiri. BuatonKu ma angka dadaborumu di jolo ni matamu jana lehenonKu ma i tu halak na asing na mangangkupi halahi modom di arian raya.

2 SAMUEL 5:13

Dung bungkas si Daud sian Hebron tu Jerusalem dibuat ia dope sanga na piga halak nari boru dohot rading jana sorang dope angka anak dohot borunia.

1 RAJA-RAJA 10:21

Sude panjamaan panginuman ni si Salomo, na nibaen sian sere do sude. Jana sandok parkokas na di Bale Tombak Libanon pe, na nibaen sian sere na polin do sude. Nada adong barang na sian perak, harana di hatiha ni si Salomo nada mararga anggo perak.

1 RAJA-RAJA 10:27

Jadi hatiha si Salomo mamarenta, anggo perak di Jerusalem barang na somal do i tudos tu batu jana sampinur Libanon marlobi-lobi do i, songon gala-gala.

1 JUJUR TAON 14:3

Dibuat si Daud ma di Jerusalem sanga na piga halak nari dadaborunia jana adong be ma dakdanakna.

2 JUJUR TAON 1:15

Di zaman ni si Salomo mamarenta, barang na somal do anggo perak dohot sere di Jerusalem, dos dohot batu; jana hayu sampinur Libanon sun do bahatna tarsongon hayu ara na somal.

2 JUJUR TAON 11:21

Adong do salapan bolas dadaboru ni si Rehabeam dohot onom pulu radingnia, dua pulu salapan anak halaklahi dohot onom pulu borunia. Sian dadaborunia i sude dohot radingnia i, si Maaka do na humolong rohania.

NEHEMIA 13:26

Hudok, “Nada he dosa na songon on do na nibaen ni Raja Salomo? Nada adong raja na gumodang sian ia di portibi on. Dihaholongi Debata ia jana dibaen ia gabe raja di sandok Israel. Tapi haru songon i pe dielek-elek angka boru ni bangso na asing do ia laho mambaen dosa.

MASMUR 62:10

Ulang arop rohamu di angka barang na nirampas, jana ulang marpangunsandean tu angka na nirampas. Muda pe martamba hakayoanmu, ulang lohot tusi rohamu.

PODA 31:3

Ulang parsua-saehon gogomu sanga diaburkon ho hepengmu tu dadaboru. Madung bahat raja na madabu hara ni dadaboru.

MALEAKI 2:15

Nada he na dung dibaen Debata hamu sapamatang dohot satondi dohot dadaboru i? Ahe dehe maksud ni Tuhan disi? Nada asing sian sada maksud, i ma anso maruli dakdanak hamu na tutu situtu bangso ni Debata. Jadi, tangkas parrohahon hamu; ulang jabat adong sian hamu na manguba janji sian dadaboruna.

MATEUS 13:22

Same na madabu tu tonga-tonga ni duri i, i ma tarsongon halak na mambege jamita i, tapi humolos ma halahi hara ni ngolu ni halahi. Sai giot marlobi-lobi do ngolu ni halahi. Jadi tarhapit ma jamita i di bagasan roha ni halahi, gabe nada marbatu.

MATEUS 19:5

Dung i didok Ia ma, ‘Hara ni i angkon tinggalkonon ni halaklahi ma inangna dohot amangna gabe marsada dohot daboruna anso gabe sada na dua i.’

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.

1 TIMOTEUS 6:9

Tapi sanga ise angka halak na giot kayo, targoda jana hona jorgong ma i dibaen hagiot na oto na marragam rupa boti na manyegohon. Angka hagiot na songon i ma na mangalantuk dohot na mangagohon halak.