PANGARATAION 17:16 - BIBEL JAMITA NA DENGGAN

¹⁶ Muda raja, nada tola bahat kudona baen di tentarana. Nada tola suruonnia halak tu Mesir laho manobusi kudo, dibaen madung didok Tuhan do na so tola be mulak bangsoNia i tu luat i.

PANGARATAION 17:16 ပူးပေါင်းရင်းမြစ်များ

2 SAMUEL 8:4

Ditaban si Daud do tentara ni si Hadadeser 1.700 halak na markudo, 20.000 halak pardalan pat. Ditadingkon si Daud ma kudo i tuk tu saratus kareta jana lobina i dipatengka ia patna i.

1 RAJA-RAJA 1:5

Hara ni na dung mate si Absalom, sian sude anak ni si Daud si Adonia noma na tumobang. Inangnia margoar si Hagit. Tongam do idaon rupana. Nada jungada digorahon amangnia i ia haru tarsung pe ia sala. Hara ni por ni rohania gabe raja, dipasingkop si Adonia ma disia kareta porang dohot tentara na markudo dung i muse lima pulu halak pangawal.

1 RAJA-RAJA 4:26

Adong do dua bolas ribu tentara parkudo ni si Salomo jana kudonia opat pulu ribu bara sitarik angka karetania.

1 RAJA-RAJA 5:6

Madung diboto raja i anggo rayatku nada adong na malo manaba hayu songon rayat ni tuan i. Hara ni i hupangido anso ra nian tuan i manyuru rayat ni tuan i manaba hayu Ares Libanon i di au. Husuru pe rayatku mangurupi halahi, jana sanga sadia gaji na nitontuhon ni tuan i di halahi, hugarari pe.”

2 JUJUR TAON 1:16

Dipamasuk do marhite angka agen ni raja i kudo sian Mesir dohot sian Kewe,

2 JUJUR TAON 9:25

Adong muse do di Raja Salomo opat ribu bara ni kudo dohot karetania. Adong do dua bolas ribu kudo porangnia. Deba ma i dibaen di Jerusalem, jana na deba nari di angka kota parbandaran ni kareta porangnia.

MASMUR 20:7

Adong do halak na mangasahon kareta porangna, adong muse na mangasahon kudona. Tapi nada songon i anggo hita; hita marsitiopan tu kuaso ni Tuhan, Debatanta.

HARURUAR 13:17

Di na nipaloas ni raja Mesir kehe bangso Israel, nada dioban Debata halahi manopi-nopi laut laho tu Luat Pilistin, haru pe nian dalan i do na dumonok. Didok roha ni Debata, “Nada por rohangKu muda manyolsoli halahi gabe mulak tu Mesir dung diida halahi na angkon marporang halahi.”

HARURUAR 13:18

Balikna do, dioban Debata halahi marhaliang mamolus parhorsihan torus tu Laut Rara. Marsinjata be do halak Israel i songon na giot marporang.

HARURUAR 14:13

Dialusi si Musa ma, “Ulang hamu mabiar! Martahan ma hamu, idaonmunu ma sanga aha sibaenon ni Tuhan laho paluahon hamu sadari on; nada idaonmunu be halak Mesir i.

JESAYA 2:7

Gok perak dohot sere do tano ni halahi jana na so tarasam do bahat ni sinadonganna. Kudona na lobi bahat, jana karetana nada habilangan bahatna.

JEREMIA 42:19

Dung i hudok ma muse, “Madung diparentahon Tuhan tu hamu na laing tading di Juda anso ulang kehe hamu tu Mesir. Jadi saonnari hupaingot hamu

JEHESKIEL 17:15

Tapi manggagai do raja ni Juda i lalu ditongos ia utusan tu Mesir laho manjagit kudo dohot tentara na bahat. Manjadi ma he karejonia i? Padiaronna ma he ia malua? Nada tarbaen na mansoadahon parjanjian malua sian uhuman!

HOSEA 11:5

Nada ra mulak angka halak Israel i tu Au, jadi hara ni i, angkon mulak tu Mesir halahi jana parentaon ni bangso Asur halahi.

HOSEA 14:3

Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

MIKA 5:10

Huroncohon angka kota na adong di tanomu jana Hurumpakkon sude partahananmu.

PANGARATAION 28:68

Tongoskonon ni Tuhan ma ho mangulahi markapal tu Mesir, haru pe na dung Hudok na so mulak be ho sanga na andigan tusi. Pagadis-gadisonmunu ma dirimunu disi gabe hatoban halaklahi dohot hatoban dadaboru tu musumunu, hape sahalak pe nada adong na manobusi.”

1 SAMUEL 8:11

“Songon on ma baenon ni rajamunu i tu hamu,” songon i ma dipatorang si Samuel, “Paksaonna ma angka dakdanakmunu masuk tentara; deba ma i gabe parangan na markareta, deba gabe parangan na markudo, jana na asing i gabe parangan na mardalan pat.