PANGARATAION 17:15 - BIBEL JAMITA NA DENGGAN

¹⁵ Tangkas ma parrohahon hamu anso halak na nipilimunu i gabe raja, laing na nitodo ni Tuhan muse. Angkon sian bangsomunu sandiri do i, anggo halak sileban ulang angkat hamu gabe rajamunu.

PANGARATAION 17:15 ပူးပေါင်းရင်းမြစ်များ

2 SAMUEL 5:1

Dung i marroan ma sude hatobangon ni marga ni Israel mandapotkon si Daud di Hebron mandok tusia, “Ale-ale ni raja i do hami on.

2 SAMUEL 5:2

Sian najolo, taran si Saul dope mamarenta hami, laing na raja i do mamimpin rayat ni Israel di parporangan. Boti muse na dung dijanjihon Tuhan do tu raja i, laing na raja i noma na mamimpin bangsona dohot na gabe raja ni halahi.”

1 JUJUR TAON 12:23

Dompak di Hebron si Daud, bahat do angka parporang na malo na ro mandongani si Daud. Diurupi halahi ma ia anso tarbaen gabe raja manggontihon si Saul, songon na nijanjihon ni Tuhan. Songon on ma bahat ni halahi: Juda: 6.800 halak singkop parince dohot hujurna. Simeon: 7.100 halak na gogo boti tongam. Levi: 4.600 halak. Joyada dohot anak buania pomparan ni si Harun: 3.700 halak. Zadok, doli-doli parporang na barani songon i dohot koum sisolkotna: 22 halak na tarpatujolo. Benyamin (marga ni si Saul): 3.000 halak. Umbahat dope nian sian Marga Benyamin na mangihut tu si Saul. Efraim: 20.800 halak na godang-godang sian horong ni halahi be. Manase Hasundutan: 18.000 halak na nitodo anso dohot kehe laho mangangkat si Daud gabe raja. Isakar: 200 halak pamimpin rap dohot na nipimpin ni halahi. Angka na malo do pamimpin on manontuhon sanga aha sibaenon ni rayat Israel di hatiha na tumbuk. Zebulon: 50.000 halak na malo mamake ragam-ragam ni sinjata jana na singkop tu porang; angka halak na burju-burju do halahi jana haposan. Naftali: 1.000 halak pamimpin rap dohot 37.000 halak parajurit na marparince dohot martombak. Dan: 28.600 halak na dung tarlatih. Aser: 40.000 halak na singkop tu porang. Angka marga na di Habincaran ni Batang aek Jordan, i ma Ruben, Gad dohot Manase Parhabincaran: 120.000 halak na dung malo mamake sude ragam ni sinjata.

1 JUJUR TAON 22:10

Anakmi noma na giot pajongjongkon bagas di Au. Gabe anakKu ma ia jana gabe Amangnia ma Au. Hot do harajaan ni Israel di pomparannia sapanjangna.’ ”

1 JUJUR TAON 28:5

Dilehen Ia do hagabean bahat anak di au jana sian anakki sudena ditodo Ia do si Salomo anso mamarenta di Israel, harajaan ni Tuhan i.

MASMUR 2:2

Angka parkuaso pe rap burangkit mangalo Tuhan dohot raja na nipiliNia.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

MASMUR 89:20

Madung Hupadumpangkon si Daud, naposongKu, Hupabangkit ia marhite miakKu.

JEREMIA 2:25

Ale Israel, tongtong ma ho marsipatu jana ulang padiar manguas ho hara ni na parayakkon debata na asing. Tapi nimmu do, ‘Nada! Nada tarbaen au mulak. Madung huhaholongi debata na asing jana i noma ihutkononku.’ ”

JEREMIA 30:21

Raja na marasal sian hamu mamarenta di tonga-tongamunu. Roha-rohania do mandonohi Au muda Hupio ia mangadop tu Au. Angke ise ma he na puluk ro mangadop tu Au sian roha-rohana sajo? Gabe bangsongKu ma hamu jana Au gabe Debatamunu. Au do Tuhan, na mandokkon songon i.”

MATEUS 22:17

Jadi hara ni i, paboa ma jolo taringot tuson: Tola dehe mangihutkon Tona ni ugamo Jahudi manggarar pajak tu Kesar Rom sanga nada?”

1 SAMUEL 10:24

Dung i mandok hata ma si Samuel tu rayat i, “Ligi hamu ma halak na nitodo ni Tuhan, nada adong bandinganna sian hita sudena.” Marsurak ma sude bangso i, “Horas ma di raja i!”

1 SAMUEL 16:3

Dung i ontang ma si Isai tu acara parhaulan i. Hupaboa pe muse sanga aha na giot sibaenonmu. Sanga ise na Hupatuduhon tu ho, angkon i do miahanmu gabe raja.”

1 SAMUEL 8:5

jana didok halahi ma tusia, “Tangihon ma amang, ma matobang ho jana angka dakdanakmu nada diihutkon halahi pangalahomu. Jadi dumenggan ma angkat sada halak raja anso adong rajanami songon angka bangso na asing i.”