PANGARATAION 17:12 - BIBEL JAMITA NA DENGGAN

¹² Sanga ise na puluk mangalo panguhum, sanga malim na topet markarejo, angkon mate niuhuman, jadi songon i ma baenonmunu mansoadahon hajahatan i sian Israel.

PANGARATAION 17:12 ပူးပေါင်းရင်းမြစ်များ

ESRA 10:8

Sanga ise na so ro di bagasan tolu ari, disita ma sude sinadonganna jana diharuarkon ma halakna i sian masarakat. Diteken angka pamimpin ni rayat i do boa-boa i.

MASMUR 19:13

Padao ma au sian dosa na nisangajo, ulang padiar au dikuasoi. Jadi gabe jolma na sun denggan ma iba, jana malua sian hajahatan ni dosa.

PODA 21:11

Muda hona uhum halak na sombong, dapotan pangajaran do halak na so marpangalaman. Muda hona ajar halak na marroha, gabe dapotan parbinotoan ma ia.

HOSEA 4:4

Didok Tuhan ma, “Ale angka malim, ulang adong sian hamu na pasalahon sanga mamuruhi bangsongKi, angke hamu do na Hupasala!

ZAKARIA 3:7

“Muda dioloi ho angka aturanKu jana didalankon ho angka karejo na Hulehen tu ho, jadi bolas ma ho gabe pamimpin tu pudi on di bagasan BagasKu dohot mangurus alamanna i. TangihononKu ma angka tangiangmu, songon panangihonKu di angka tangiang ni angka surusuruan na donok tu lambungKu.

BILANGAN 15:30

Tapi muda adong sada halak Israel sanga halak na leban na disangajo ia mambaen dosa, na mangincahi Tuhan do i. Angkon mate do halahi uhumon,

BILANGAN 15:31

dibaen disangajo ia mangalo Tuhan jana disangajo ia mangalaosi parenta ni Tuhan. Hara ni salania sandiri do umbahen mate ia.

MATEUS 10:14

Muda adong bagas sanga kota na so ra manjagit hamu sanga na so ra manangihon jamitamunu, tinggalkon hamu ma i. Hirpaskon hamu ma abuan ni patmunu i tu halahi.

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

JOHANNES 12:48

Saulahon, adong do na manguhumi sanga ise na so ra manjagit Au jana na so ra patuluskon angka na Hudok. Jamita na Hupalalu i do na gabe panguhum maradopkon halahi di Ari Parpudi.

JOHANNES 20:23

Muda disesa hamu dosa ni sanga ise, laing tarsesa ma dosana i; muda nada disesa hamu dosa ni halak, laing na so tarsesa ma dosana i.”

PANGARATAION 1:43

Hupalalu do tu hamu sanga aha na nidok ni Tuhan i, hape nada parduli hamu. Mangalo do hamu tu Tuhan, jana pateal-tealkon ma hamu marbaris laho kehe tu luat partoran i.

PANGARATAION 10:8

Di dolok i dibaen Tuhan ma Marga Levi marhapunjungan mangurus Poti Parjanjian i dohot mangoloi Tuhan gabe angka malim dohot mandok hata pasupasu mangasahon goarNia. I ma karejo ni halahi lopus saonnari.

PANGARATAION 13:11

Jadi gabe habegean ma taringot tu na masa i di sude bangso Israel; mabiar ma halahi gabe nada adong sahalak pe na puluk be mambaen na songon i jahatna.

PANGARATAION 13:6

Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,

PANGARATAION 17:13

Ganop halak na umbege taringot tu na masa i tontu gabe mabiar, gabe nada adong be halak na asing na puluk mambaen na songon i.”

PANGARATAION 17:7

Angkon saksi-saksi i do parjolo mandanggurkon batu tu halakna i, siihutkonon ni halak na asing. Songon i ma baenonmunu laho mangantak hajahatan i.

PANGARATAION 18:20

Tapi muda adong sada panurirang na puluk palaluhon tona mamake goarKu, hape nada na Husuru ia mambaen songon i, angkon mate do ia hara ni pangalahona i, laing songon i muse do angka panurirang na manghatahon hata ni debata na asing.

PANGARATAION 18:5

Sian sasude marga ni Israel na dung dipili ni Tuhan do Marga Levi laho mangoloi gabe parhobas ni Tuhan salolot-lolotna.

PANGARATAION 18:7

tola ma ia mangoloi Tuhan Debatania songon malim, songon halak Levi na asing na markarejo di inganan paribadatan i.

1 TESSALONIKA 4:2

Harana madung diboto hamu angka sipaingot na hami lehen i di hamu mangasahon Tuhan Jesus.

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.

1 TIMOTEUS 5:20

Sanga ise na mardosa, angkon paingoton do di jolo ni sude parlagutan i anso mabiar na asing i.

JOSUA 1:18

Sanga na ise pe na mangalo kuasomu, sanga na so mangihutkon parentamu, mate hona uhum ma i. Sai pos ma rohamu jana ulang mabiar ho!”

HAKIM-HAKIM 20:13

Pasahat hamu ma angka jolma na jorngang na sian Gibea i tu hami anso hami bunu halahi jana songon i ma anso mago hajahatan i sian tonga-tonga ni halak Israel.” Hapengani umpe diterge angka halak Benyamin hata ni halak Israel na asing i.

1 SAMUEL 3:13

Na dung Hupaboa do tusia na giot uhumanKu horongnia sapanjangna hara ni na dipalayas ni anaknia Au. Diboto si Eli do pangalaho ni halahi, hape nada dimuruhi ia halahi.