Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




PANGARATAION 16:19 - BIBEL JAMITA NA DENGGAN

19 Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

အခန်းကိုကြည့်ပါ။ ကော်ပီ




PANGARATAION 16:19
35 ပူးပေါင်းရင်းမြစ်များ  

jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.


Tapi tamba ni i muse, angkon laing pilionmu do piga-piga halak na malo jana na bisa dihaposi gabe pamimpin ni bangso i: Pamimpin ni saribu halak, saratus, lima pulu dohot sampulu halak. Dumenggan muda angka halak na mabiar mida Tuhan halahi, haposan jana na so ra manjagit hepeng suruk.


Ulang dohot-dohotan hamu di halak na bahat anggo na mambaen na sala do halahi sanga na mandok hasaksian na paegolkon na tigor.


Ulang mamihak hamu tu halak na pogos hatiha niadilan ia.


Ro ma hasusaan tu keluarga ni halak na mambaen korupsi, tapi mangolu do sanga ise na margoyak ni roha di hepeng suap.


Parkuaso na mangeldok, manjagit hepeng sogok di sihabunian; hara ni i gabe nada mardalan hatigoran.


Nada denggan marpihak tu halak na so hasaya jana manahan hatigoran sian halak na so marsala.


Unjung do didok angka halak na bisuk songon on: Panguhum nada tola borat sabola.


Ulang ho na gabe saksi maradopkon halak na asing anggo so adong alasan na patut; jana ulang ho margabus salaho tusia.


Angke muda lalap minum, lupa ma ia di uhum na tigor, gabe dipaegol ma uhum tu halak na dangol.


Muda manipu halak na pistar, oto do pambaenannia i. Muda manjagit hepeng sogok halak, sego ma pikiranna.


marsiajar ma hamu mambaen na denggan. Gogohon hamu ma anso tulus mardalan hatigoran – urupi ma halak na hona hapit; pasahat ma tu na so marama so marina na patut bagianna jana ondihon hamu ma angka na mabalu.”


Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.


Tarbaen hamu do martahan disi muda tigor hamu mandok hata jana dibaen hamu na denggan. Ulang pake hamu kuasomunu laho manggabusi halak na pogos, jana ulang jagit hamu hepeng sogok, ulang dohot-dohotan hamu tu halak na mambaen sangkap mamunu jolma sanga mambaen hajahatan na asing.


boti mamokmok be jana maduma. Nada marbolat hajahatan ni halahi. Disoadahon halahi do hak ni na so marama so marina, jana nada diondihon halahi angka halak na hona sosak.


Nada jungada pasalihon ia mardongan bunga. Nada ra ia mambaen hajahatan, jana di bagasan sude parsalisian dibaen ia do haputusan na tigor.


Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.


Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora.


Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat.


I do umbaen nada margogo be uhum jana hatigoran nada unjung dihajongjongkon. Sumurung ma halak na jahat maradopkon halak na burju, jadi gabe diputar-balikkon ma hatigoran.


Dung i mandok hata ma si Petrus, “Saonnari tangkas ma huastui, na sarupa do hape sude jolma diida Debata.


Tapi didok si Paulus ma tu angka polisi na ro i, “Warga negara Rom do hami. Haru so jolo diadili, hape manigor diloncingi hami di jolo ni halak na bahat jana dipamasuk tu hurungan. Hape saonnari suruon ni halahi ma hami kehe sajo songon i sip-sip? Inda ra hami songon i! Suru hamu angka panjabat ni pamarenta i ro tuson. Angkon halahi sandiri do ro paluahon hami,” ning ia.


Dung i didokkon si Paulus ma mandok ia, “Tampelengon ni Debata ma ho, ale tembok na nihapuran! Umbaen na juguk pe ho dison, na giot manguhumi au do mangihutkon Tona i, tapi madung dilaosi ho Tona i markite-hite na nisurumu manampeleng au.”


Di ginjang ni sude debata do Tuhan Debatamunu i jana Tuhan ni sasudena tuan, Debata na tongam jana na markuaso do Ia jana angkon nioloan. Nada ra Ia marpihak jana nada ra muse Ia manjagit sisip.


“Di ganop kota na nilehen ni Tuhan Debatamunu tu hamu angkon angkatonmunu do panguhum dohot angka parkarejo na asing laho manguhumi rayat i di bagasan na sintong.


Ulang rampas hamu hak ni halak sileban dohot dakdanak na so marama, jana ulang buat hamu gabe jaminan pakean ni sada halak na mabalu hara ni na manginjam bagi aha ia.


‘Bura ni Debata ma di halak na mangarampas hak ni halak sileban, dakdanak na so marama so marina dohot na mabalu.’ Dung i sude ma bangso i mandok: ‘I ma tutu!’


‘Bura ni Debata ma di halak na manjagit sogok laho mamunu sada halak na so marsala.’ Dung i sude ma bangso i mandok: ‘I ma tutu!’


Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”


Dung matobang si Samuel, diangkat ia ma angka dakdanaknia gabe hakim di Israel.


Tapi nada diihutkon halahi pangalaho ni amang ni halahi, hum hauntungan tu dirina sajo do na dipikirkon ni halahi. Manjagit hepeng sogok do halahi jana nada tigor dibaen halahi mamutuskon angka parkaro.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ