PANGARATAION 16:18 - BIBEL JAMITA NA DENGGAN

¹⁸ “Di ganop kota na nilehen ni Tuhan Debatamunu tu hamu angkon angkatonmunu do panguhum dohot angka parkarejo na asing laho manguhumi rayat i di bagasan na sintong.

PANGARATAION 16:18 ပူးပေါင်းရင်းမြစ်များ

1 JUJUR TAON 23:4

Jadi disuru ia ma 24.000 halak sian halahi laho mangawasi parkarejoan di Bagas Ni Debata, onom ribu halak manjama soal administrasi dohot parkaro-parkaro pangadilan,

1 JUJUR TAON 26:29

Anggo tu pomparan ni si Jishar, si Kenania dohot angka anakna i, dipasahat ma karejo administrasi dohot angka karejo mangadili di Israel.

ESRA 7:25

Ale Esra, pake ma habisuhon na nilehen ni Debata tu ho, jana angkat ma angka pamimpin dohot angka panguhum laho mamarenta sude halak na di propinsi Efrat Hasundutan na mangihutkon Uhum Ni Debatamu di ngoluna. Sai ajarkon ma antong Uhum i tu sude halak na so umbotosa dope.

HARURUAR 18:21

Tapi tamba ni i muse, angkon laing pilionmu do piga-piga halak na malo jana na bisa dihaposi gabe pamimpin ni bangso i: Pamimpin ni saribu halak, saratus, lima pulu dohot sampulu halak. Dumenggan muda angka halak na mabiar mida Tuhan halahi, haposan jana na so ra manjagit hepeng suruk.

HARURUAR 21:22

Muda adong halak na marbadai, jana tartondong sada halak ma ina-ina na denggan pamatangna gabe haambungan ia, tapi nada pola adong na asing na hancitnia; angkon gararan ni na manondong i do dangdangna sanga sadia dituntut halaklahi ni dadaboru i dung jolo satuju angka hakim.

HARURUAR 21:6

jadi angkon obanon ni tuanna i do ia tu inganan paribadatan. Dung lalu disi, angkon suruon ni tuanna i ma ia jongjong markusande di pintu sanga di tiang ni pintu ni inganan paribadatan i jana ditura ia ma pinggolna i. Gabe hatobannia noma i salolot mangolu.

PODA 31:23

Halaklahina pe tarbarita; sada pamimpin di kota.

MATEUS 5:21

“Madung dibege hamu do na diajarkon tu angka na tobang-tobang i: Ulang ho mamunu. Sanga ise na mamunu, angkon hona uhum.

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

PANGARATAION 16:17

marguru tu gogona be, hombar tu bahat ni rasoki na nilehen ni Tuhan Debatamunu tu sada-sada be.”

PANGARATAION 16:19

Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

PANGARATAION 17:12

Sanga ise na puluk mangalo panguhum, sanga malim na topet markarejo, angkon mate niuhuman, jadi songon i ma baenonmunu mansoadahon hajahatan i sian Israel.

PANGARATAION 17:9

Paadop hamu ma angka parkaromunu i tu angka Malim Levi dohot tu hakim na markarejo di hatiha i, padiar hamu ma halahi mamutuskon parkaro i.

PANGARATAION 21:2

Di bagasan pangalaho na songon i angkon ukuron ni hatobangon ni kota dohot panguhummunu do dao ni inganan ni bangke i dapot tu ganup kota na dumonok.

PANGARATAION 25:1

Adong ma umpamana dua halak Israel na kehe tu pangadilan laho pauruskon sada parsalisian, gabe didok ma na so marsala na sada jana na sada nari i marsala.

1 SAMUEL 8:1

Dung matobang si Samuel, diangkat ia ma angka dakdanaknia gabe hakim di Israel.