Anggo satutuna nian, nada adong tarlehen au dohot rayatkon sanga na aha tu Ho, angke na nilehenMu do sasudena jana sanga aha pe na hami pasahat on, laing Ho do nampunasa.
Dilarang gubernur ni Juda ma halahi mangankon sipanganon na dipasahat tu Debata, lopus adong sada halak malim na tarbaen mangido panogu-noguon marhite na mamake Urim dohot Tumim.
Rap dohot lombu i sada dohot hambeng jantan i, angkon haulkononnia gandum bahatna 17,5 liter, jana rap dohot ganop anak ni biri-biri i angkon haulkononnia sanga sadia bahat giotnia. Ganop haul gandum i angkon dohot do donganna tolu liter miak zetun.
Muda pogos situtu do halak na marniet i angkon dioban do ia tu jolo ni malim. Malim i sandiri do manontuhon arga na tumoruk, na targarar halak na marniet i.
dung i pestahon hamu ma Pesta Gotilon laho pasangapkon Tuhan Debatamunu. Oban hamu ma di ari i haul sian na nionjar ni roha tuSia marguru tu bahat ni rasoki na nilehenNia di hamu.
Angkon ro do sude halaklahi ni Israel manyomba Tuhan di inganan paribadatan na sada i tolu noli sataon: Di Ari Pesta Paskah, Pesta Gotilon dohot di Pesta Undung-undung Bulung Rata. Angkon ganop be marsioban haulna,
“Di ganop kota na nilehen ni Tuhan Debatamunu tu hamu angkon angkatonmunu do panguhum dohot angka parkarejo na asing laho manguhumi rayat i di bagasan na sintong.