PANGARATAION 16:16 - BIBEL JAMITA NA DENGGAN

¹⁶ Angkon ro do sude halaklahi ni Israel manyomba Tuhan di inganan paribadatan na sada i tolu noli sataon: Di Ari Pesta Paskah, Pesta Gotilon dohot di Pesta Undung-undung Bulung Rata. Angkon ganop be marsioban haulna,

PANGARATAION 16:16 ပူးပေါင်းရင်းမြစ်များ

1 RAJA-RAJA 9:25

Tolu noli sataon dipasahat si Salomo do haul situtungon dohot haul haluaan di ginjang ni langgatan na nipajongjongnia di Tuhan i. Songon i ma dibaen si Salomo pasidungkon karejo na pauli Bagas Ni Debata.

2 JUJUR TAON 8:13

Mangihutkon uhum ni si Musa do dibaen ia pasahatkon angka haul i di ganop ari pesta: Di Ari Sabat, Ari Pesta Bulan Baru, dohot ari pesta na tolu siganop taon, i ma Ari Pesta Ni Roti Na So Marragi, Ari Pesta Paskah, dohot Ari Pesta Undung-undung Bulung Rata.

ESRA 3:1

Di bulan pitu, madung hot angka halak Israel i maringanan di angka kotana be. Di tanggal sada laing di bulan i, marlagut ma halahi di Jerusalem,

NEHEMIA 8:15

Jadi gabe dibaen halahi ma boa-boa di sude Jerusalem dohot di angka kota maradu angka huta songon on, “Kehe ma hamu tu dolok jana marsibuat ma sian i angka dangka ni tusam, zetun, hayu miak, mare-mare dohot angka hayu na asing laho mambaen undung-undung domu tu paraturan na di bagasan Buku Uhum i.”

MASMUR 122:4

Angka marga ni bangso, tuson ma marroan, angka marga pilian ni Tuhan, laho mandok tarimakasi tuSia songon na nidok ni parentaNia.

MASMUR 84:7

Gogo ni halahi mur martamba, dompak na mardalan tu Sion laho mangadop tu Debata.

MASMUR 84:8

Ale Tuhan Na Markuaso, tangihon ma tangiangku ale Debata ni si Jakob, parrohahon ma pio-piongku.

MASMUR 96:8

Puji hamu ma goarNia na marmulia, oban hamu ma haul tu bagasan BagasNia.

HARURUAR 34:20

Tapi anggo anak ni halode na parjolo sorang, angkon tobusonmunu do dohot sada biri-biri songon gontina. Muda nada ra hamu manobusna angkon ponggolkononmu do rungkungna i. Ganop anak siangkaanmunu angkon tobusonmunu do i. Ulang ma adong sahalak na tarida ro tu jolongKu na so marsilua.

HARURUAR 34:24

Dung Hupaorot, angke paorotonKu ma angka bangso sian jolomu jana pabidangonKu ma luat ingananmu; jana nada adong umpe sahalak na puluk mambuat luat ingananmu, muda kehe hamu mamestahon Pesta Roti Na So Marragi, Pesta Gotilon dohot Ari Pesta Undung-undung Bulung.

JESAYA 23:18

Haulkononnia ma tu Tuhan labo dohot upa na dapotnia jana nada simpanonna. Pargunahonon ni angka halak na manyomba Tuhan ma i baen panobusi ni balanjo dohot pakean na porlu di halahi.

JESAYA 33:20

Tatap hamu ma tu kota Sion, ingananta marpesta ugamo. Tatap ma Jerusalem! I noma sonang ni kota i baen ingananniba, songon undung-undung na so jungada dipaimbar, patokna i nada unjung diumpat jana talina i pe nada jungada magotap.

JEHESKIEL 36:38

Angka kota na masego saonnari, gok ma sanolion manginganisa songon Jerusalem di hatiha na salpu na gok dohot biri-biri na dihaulkon di hatiha pesta. Jadi botoonmunu ma Au do Tuhan.”

HAGAI 1:9

Sai diarop rohamunu do suha ni karejomunu marlobi-lobi, hape saotik sajo do dapot hamu; dioban hamu ma i mulak, hape Huombus suha ni na dapotmunu i gabe abis dioban alogo. Biasi Hubaen songon i? Songon on do alusna: “Dibaen laing tinggal sego-segona sajo dope BagasKu, hape hamu ma pola sude marsibangun bagasna be, ninna Tuhan Na Markuaso.

MATEUS 2:11

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

MARKUS 12:3

Tapi ditangkup angka halak na markarejo kobun i ma naposo i. Dibalbali halahi ma ia, dung i disuru halahi ma mulak umpe maroban bagi-aha.

JOHANNES 7:2

Donok ma hatiha i Pesta Undung-undung Bulung Rata ni halak Jahudi.

PANGARATAION 16:15

Pitu ari honokna angkon hagodangkononmunu pesta on laho pasangapkon Tuhan di inganan paribadatan na sada i. Marjop ni roha ma hamu hara ni na nipasupasu ni Tuhan panen dohot karejomunu.

PANGARATAION 16:17

marguru tu gogona be, hombar tu bahat ni rasoki na nilehen ni Tuhan Debatamunu tu sada-sada be.”

PANGARATAION 31:11

Sise hamu ma i tu halak Israel di na ro halahi marsomba tu Tuhan Debatamunu di sada inganan paribadatan na dung ditontuhon.

1 SAMUEL 1:3

Ganop taon do si Elkana ro sian Rama giot maribadat di Silo dohot manghaulkon haul tu Tuhan Na Markuaso i. Na gabe malim ni Tuhan di Silo, i ma si Hofni dohot si Pinehas anak ni si Eli.

1 SAMUEL 6:3

Jadi ning halahi ma mangalusi, “Ulang paulak hamu sajo songon i anggo Poti Parjanjian ni Debata ni Israel i, tapi angkon marangkup silua do i laho manobus dosamunu. Jadi muda songon i, malum ma hamu, jana botoonmunu ma sanga hara ni aha umbaen na sai torus diuhumi Debata ni Israel i hamu.”