PANGARATAION 16:10 - BIBEL JAMITA NA DENGGAN

¹⁰ dung i pestahon hamu ma Pesta Gotilon laho pasangapkon Tuhan Debatamunu. Oban hamu ma di ari i haul sian na nionjar ni roha tuSia marguru tu bahat ni rasoki na nilehenNia di hamu.

PANGARATAION 16:10 ပူးပေါင်းရင်းမြစ်များ

1 JUJUR TAON 29:14

Anggo satutuna nian, nada adong tarlehen au dohot rayatkon sanga na aha tu Ho, angke na nilehenMu do sasudena jana sanga aha pe na hami pasahat on, laing Ho do nampunasa.

2 JUJUR TAON 31:14

Tu si Kore anak ni si Jimna, i ma sada halak Levi na gabe kapala ni pangawal di Pintu Horbangan Habincaran di Bagas Ni Debata, dipasahat ma tanggung jawab laho manjagit dohot mambagi-bagihon angka silehen-lehen na nihaulkon i tu Tuhan.

HARURUAR 35:29

Marsioban sian na nionjar ni rohana be ma sude halak Israel baen haul ni halahi tu Tuhan, sipakeon tu parkarejoan na niparentahon ni Tuhan markite-hite si Musa.

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

JOEL 2:14

Betak na muba do tehe roha ni Tuhan Debatamu, jana marlobi-lobi pasupasuNa di hamu. Gabe tarbaen hamu manghaulkon tu Tuhan, haul anggur dohot gandum.

HAMALIMON 12:8

Muda so tarpatupa ina i mangalehen anak ni biri-biri angkon obanonnia ma dua darapati sanga dua hatutu. Sada ma i gabe haul situtungon, na asing i gabe haul hasesaan ni dosa. Baenon ni malim i ma sada hatiha laho manyesa hahodaran ni ina i, anso gabe ias.

HAMALIMON 23:15

Mamungka di ari dung salpu Sabat, hatiha manghaulkon parbatu ni gandum na parjolo hamu tu Tuhan, etongonmunu ma pitu minggu honokna.

HAMALIMON 25:26

Halak na so adong sisolkotna giot manobus tano i, betak tartobus ia sandiri do i di pudi ni ari dung adong disia, dung tuk hepengnia tusi.

HAMALIMON 5:7

Tapi muda suada tarlehen ia biri-biri sanga hambeng baen tobus ni dosana, angkon obanonnia do sarongkap unggas hatutu sanga darapati, sada ma i gabe haul hasesaan ni dosa, na sada nari gabe haul situtungon.

BILANGAN 28:26

“Di ari parjolo di Pesta Gotilon di hatiha mangalehen sabagian sian gandum na nisabi parjolo tu Tuhan, angkon marpungu do hamu maribadat, jana nada tola mangkarejohon barang aha pe.

BILANGAN 31:28

Bagian ni Tuhan i, buat ma sian bagian ni tentara i sada sian lima ratus, bope sian halak na nitaban, bope sian lombu, halode, biri-biri dohot hambeng.

1 KORINTUS 16:2

Ganop Ari Minggu, painding hamu ma ganop be marguru tu pangomoanna be. Simpan hamu ma hepeng i lopus ro au, anso ulang pola papungu-punguhon be muda dung lalu au.

2 KORINTUS 8:10

Anggo pandapotku, madung sapatutna hamu pasidungkon sanga aha tohap na nipungkamunu di taon na salpu i. Harana hamu sandiri do mamungka tohap i. Jana pikiran laho mambaen karejo na songon i pe sian hamu do haroro ni i.

2 KORINTUS 8:12

Muda ringgas do rohamunu marsilehen-lehen, jagiton ni Debata do silehen-lehenmunu i marguru tu sinadonganmunu, nada marguru tu na soadamunu.

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

PANGARATAION 16:9

“Sian ari parjolo hamu mamungka manyabi gandum, etong hamu ma pitu minggu,