PANGARATAION 15:9 - BIBEL JAMITA NA DENGGAN

⁹ Ulang jua hamu laho mangalehen injamon tusia, marhite alasan na dung donok taon hasesaan ni utang. Ulang paloas hamu pikiran na jahat sisongon i masuk tu bagasan rohamunu. Muda nada ra hamu mangalehen siinjamon i, pio-pio ma halakna i tu Tuhan laho mangaduhon hamu, jadi gabe dosa ma i di hamu.

PANGARATAION 15:9 ပူးပေါင်းရင်းမြစ်များ

JOB 34:28

Patunda ni halahi gabe holsoan angka na pogos, ditangihon Debata andung-andungna.

MASMUR 101:3

hajahatan nada padiaronku. Huhagigihon do parbuatan ni halak na balik, nada ra au marsiantoan dohot halahi.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 9:12

Diingot Ia do halak na tangis jana diparkanciti, jana diuhum Ia halak na mandondoni halahi.

HARURUAR 22:22

Ulang nibaen roha-roha tu na mabalu sanga tu na tinggal menek.

HARURUAR 22:23

Muda dibaen hamu songon i, Au do Tuhan, Au sandiri ma mangalusi halahi muda pio-pio mangido tolong tu Au.

HARURUAR 3:7

Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.

PODA 14:21

Sanga ise na palayas halak, mambaen dosa; sanga ise marroha na denggan tu halak na pogos, martua.

PODA 21:13

Sanga ise na so ra manangihon holos ni halak na hurangan, nada diparrohahon be ia sandiri muda mangido partolongan.

PODA 23:6

Ulang mangan iba dohot jolma na holit. Ulang muse por roha di sipanganonnia hara ni tabona.

PODA 24:9

Dosa do sandok siasat ni halak na oto. Jolma na sai manggorahon halak na asing, nada adong sanga ise pe na manghajopkon i.

PODA 28:22

Halak na lobo sai giot tibu mamora, nada mamoto ia na giot ro ma tompu hapogoson tusia.

PODA 4:23

Jagohon ma pikiranmu denggan, harana pikiranmi do manontuhon pardalan ni ngolumu.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

JEREMIA 34:14

Hudok do disi, angkon paluaon do di taon papituhon sandok hatoban sian halak Ibrani na dung mangoloi gok onom taon. Tapi nada ra ompumunu i mamparrohahon sanga manangihon sanga aha na Hudokkon i.

MATEUS 15:19

Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.

MATEUS 20:15

Na so tola do lakna hubaen roha-rohangku tu sinadonganku? Sanga na pis do matamu muda burju au tu halak na asing?’ ”

PANGARATAION 15:1

“Ganop di ujung ni taon papituhon, angkon sesaonmunu do angka utang.

PANGARATAION 24:15

Ganop ari painte so lusut mataniari, angkon gararonmunu do gajina na markarejo sadari i, sai arop do rohania anso dapot ia antong hepeng i hara ni porluna i disia. Muda nada digarar hamu upana i, pio-pio ma ia tu Tuhan mangaduhon hamu jana torang ma hamu mardosa dokkononna.

PANGARATAION 31:10

Diparentahon ia ma tu halahi, “Ganop di ujung ni taon papituhon, di Pesta Undung-undung Bulung Rata, di taon panyesaan ni angka utang, angkon sisehononmunu do buku on marsora na gogo.

JAKOBUS 4:17

Jadi hara ni i, mardosa do sanga ise na umboto na denggan sipatupaonnia nian, hape nada dipatulus ia.

JAKOBUS 4:5

Ulang ma didok rohamunu na so marguna na nidok ni Buku Na Badia i, “Madung dibaen Debata sada tondi na malungun situtu maringanan di bagasan hita.”

JAKOBUS 5:4

Nada digarar hamu upa ni angka halak na markarejo di ladangmunu. Saonnari bege hamu ma hoi-hoi ni halahi! Angka halak na palagutkon suha ni ladangmunu, marsurak do halahi mangido tolong jana lalu do angguk ni halahi i tu simanangi ni Debata, Tuhan Na Markuaso i.

JAKOBUS 5:9

Ulang mungut-ungut hamu jana marsipasalaan anso ulang diuhumi Debata hamu. Ingot! Ro ma panguhum i.

1 PETRUS 4:9

Marsijagitan ma hamu na sada tu na asing di bagasna be, so pola humolos.