PANGARATAION 15:6 - BIBEL JAMITA NA DENGGAN

⁶ Pasupasuon ni Tuhan ma hamu songon na nijanjihonNa i. Painjamkon hepeng ma hamu tu bahat bangso, tapi anggo hamu nada pola porlu manginjam sanga na sian ise pe; kuasoanmunu ma bahat bangso, tapi sada bangso pe nada adong na markuaso di ginjangmunu.

PANGARATAION 15:6 ပူးပေါင်းရင်းမြစ်များ

1 RAJA-RAJA 4:21

Sude bangso mamungka sian Batang aek Efrat lalu tu Pilistin dohot parbatasan ni Mesir, masuk ma i tu harajaan ni si Salomo. Tunduk do angka bangso i jana manggarar pajak tusia salolot mangolu ia.

1 RAJA-RAJA 4:24

Sude tano na di Hasundutan ni Batang aek Efrat sian Tifsah di Efrat lalu tu Hasundutan ni kota Gasa dirajai si Salomo. Sude raja na di Hasundutan ni Efrat tunduk do tusia jana sude harajaan hombar balokna mardame do dohot ia.

1 JUJUR TAON 17:27

Hara ni i hupangidohon, sai pasupasu ma pomparanku anso manjagit holong ni rohaMu sapanjangna. Madung dipasupasu Ho ale Tuhan bangsoMi, jadi gabe marpasupasu ma halahi salolot-lolotna.”

2 JUJUR TAON 9:26

Markuaso do ia di sude raja na di luat na sian Batang aek Efrat lopus tu tano ni halak Pilistin dohot parbatasan ni Mesir.

ESRA 4:20

Jungada do adong angka raja-raja na barani mamarenta disi jana mangarajai sude propinsi Efrat Hasundutan jana padalan pajak dohot bolaan.

NEHEMIA 9:27

Jadi gabe dipasahat Ho ma halahi tu musuna. Na mangarajai dohot mamisat halahi dohot hakejamonna. Tapi di na nidondonan ni hasusaan i, pio-pio ma halahi tu Ho mangido pangurupi. Sian banua ginjang Ho manangihonsa; mardongan holong ni roha na gok dilehen Ho alusna. Ditongos Ho pamimpin dohot na barani, na paluahon halahi sian na mamusui.

MASMUR 112:5

Martua ma halak na jop roha painjamkon jana na jujur di sude siuruson.

MASMUR 37:21

Manginjam do halak parjahat tapi nada dipaulak, hape anggo halak na burju sai basa do jana ringgas mangalehen.

MASMUR 37:26

Matua na painjamkon ma i jana mangalehen, jana angka dakdanakna gabe pasupasu do i disia.

PODA 22:7

Guru dok ni paradongan do halak na pogos gabe hatoban ni parsingir do parutang.

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

PANGARATAION 15:5

asalkon ma ra hamu mangoloi Tuhan jana jamot patuluskon sandok na huparentahon tu hamu di ari sadari on.

PANGARATAION 28:44

Marhepeng ma halahi sipainjamkononna tu ho, hape anggo ho so adong bagi na ahamunu sipainjamkononmunu tu halahi. Jana ujungna markuaso muse ma halahi tu ho.